ઓસ્ટ્રેલિયા સામે ભારતનું શાનદાર પ્રદર્શન, પાકિસ્તાની ભૂતપૂર્વ બોલર શોએબ અખ્તરે કર્યા વખાણ

નવી દિલ્હીઃ પાકિસ્તાનના ભૂતપૂર્વ ઝડપી બોલર શોએબ અખ્તરે ભારતીય ટીમના વખાણ કર્યા છે. તેમણે કહ્યું કે એડિલેડમાં રમાયેલા પહેલા ટેસ્ટમાં 36 રન પર આઉટ થયા પછી ભારતીય ટીમમાં મેલબર્નમાં જોરદાર કમબેક કર્યું હતું. તેમણે કહ્યું કે રોહિત, વિરાટ અને શમી વગર ભારતીય ટીમે ઓસ્ટ્રેલિયા વિરુદ્ધ મેલબર્નમાં શાનદાર પ્રદર્શન કર્યું. તેમણે કહ્યું કે ભારતે ઓસ્ટ્રેલિયાની એવી રીતે ધોલાઈ કરી કે જાણે બોરીમાં બંધ કરીને ધોલાઈ કરી હોય.

દમદાર પ્રદર્શનના કર્યા વખાણ
શોએબ અખ્તરે કહ્યું કે, ભારતીય ટીમે પોતાના દમદાર પ્રદર્શન કર્યું. રાવલપિંડી એક્સપ્રેસના નામથી ફેમસ અખ્તરે કહ્યું કે,'ટીમના સ્ટાર ખેલાડી નહોતા પરંતુ અન્ય ખેલાડીઓએ આગળ જુસ્સો બતાવ્યો' અખ્તરે ટીમના કેપ્ટન અજિંક્ય રહાણેના પણ વખાણ કર્યા છે. તેમણે કહ્યું કે,'રહાણેએ એકદમ શાંતિથી કેપ્ટનશિપ કરી હતી. એકદમ શાંતિથી બોલિંગમાં પરિવર્તન કર્યું પરંતુ આજે તેની સફળતા શોર મચાવી રહી છે.'

દરેક ખેલાડીઓના કર્યા વખાણ
તેમણે કહ્યું કે, મોહમ્મદ સિરાઝના પિતાનું નિધન થઈ ગયું હતું પરંતુ તેને જોઈ ન શક્યો. તેમણે પોતાનો ગુસ્સો અને જુસ્સો બોલિંગ પર ઉતાર્યો અને પાંચ વિકેટ ઝડપી હતી. અખ્તરે શુભમન ગિલને આવતા સમયનો મોટો બેટ્સમેન બતાવ્યો હતો. આ સાથે જ રવિન્દ્ર જાડેજાના પણ વખાણ કર્યા હતાં. જેણે રમતના દરેક મોરચે પોતાની ભૂમિકા બતાવી હતી. તેણે એવું પણ કહ્યું કે,'ટીમ ઈન્ડિયા પહેલો મેચ જે રીતે હારી તે જુસ્સો તોડનારી હતી પરંતુ અહીંથી જ ટીમ પડી નહીં પરંતુ ઉભી થઈ. તેમણે કહ્યું કે ટીમની સૌથી સારી બાબત રહી હતી.'

અખ્તરે વખાણ્યો ભારતીય ટીમનો જુસ્સો
અખ્તરે કહ્યું કે ઓસ્ટ્રેલિયન ટીમને સમજમાં નહી આવી રહ્યું હોય કે આખરે તેની સાથે શું થઈ ગયું. અખ્તરે કહ્યું કે ઓસ્ટ્રેલિયન ટીમમાં એ વિચાર ચાલી રહ્યો હશે કે અમે ભારતને પહેલી જ મેચમાં અત્યંત ખરાબ રીતે હરાવ્યું અને આ મેચમાં અમારી સાથે શું થઈ ગયું? અખ્તરે કહ્યું છે કે, ભારતીય ટીમે કમાલનો જુસ્સો બતાવ્યો છે. તેમણે કહ્યું કે પહેલો મેચ હાર્યા પછી ભારતે જે રીતે કમબેક કર્યું તે ખરેખર વખાણવાલાયક છે.