ભારત સામે પરાજય બાદ રોષે ભરાયા શ્રીલંકન ટીમના કોચ, સુકાની સાથે બાખડ્યા

ભારત અને શ્રીલંકા વચ્ચે મંગળવારે બીજી વન-ડે ક્રિકેટ મેચ રમાઈ હતી. જેમાં શ્રીલંકાનું પ્રદર્શન દમદાર રહ્યું હતું અને એક સમયે તે જીતવાની સ્થિતિમાં હતું. પરંતુ લોઅર ઓર્ડરના બેટ્સમેન દીપક ચાહરે કરેલી આક્રમક બેટિંગની મદદથી ભારતે શ્રીલંકાના મોઢામાંથી જીતનો કોળીયો છીનવી લીધો હતો. જેના કારણે શ્રીલંકન ટીમના કોચ મિકી આર્થર ઘણા જ નારાજ થયા હતા.

મિકી આર્થર શ્રીલંકન ખેલાડીઓ પર રોષે ભરાયા હતા. મેચના અંતિમ સમયમાં આર્થર પેવેલિયનમાં બેઠા હતા અને પોતાના ખેલાડીઓના ખરાબ પ્રદર્શનના કારણે ઘણા નારાજ જોવા મળ્યા હતા. દીપક ચાહર અને ભુવનેશ્વર કુમારની બેટિંગે ભારતની હારીની બાજી જીતમાં પલટાવી દીધી હતી અને મેચ જીતવાની સાથે ટીમે સિરીઝમાં પણ 2-0ની અજેય સરસાઈ મેળવી લીધી છે.
લિવિંગસ્ટોને ફટકાર્યો ઈતિહાસનો સૌથી લાંબો છગ્ગો, તો પણ તેની IPL ટીમ કેમ ખુશ નથી?મેચ પૂરી થયા બાદ કોચ આર્થર મેદાન પર આવ્યા હતા અને શ્રીલંકન સુકાની દાસુન શનાકા સાથે ઉગ્ર ચર્ચા કરતા પણ જોવા મળ્યા હતા. મિકી આર્થર અને દાસુન શનાકા વચ્ચે થયેલી આ ઉગ્ર દલીલોનો વિડીયો સોશિયલ મીડિયા પર પણ વાઈરલ થયો છે.

શ્રીલંકા વિરુદ્ધ દીપક ચાહરે વન-ડેમાં પોતાની પ્રથમ અડધી સદી ફટકારી હતી અને અણનમ 69 રનની મેચ વિનિંગ ઈનિંગ્સ રમી હતી. આ બંનેએ સાથે મળીને 8મી વિકેટ માટે 84 રનની અતૂટ ભાગીદારી નોંધાવી હતી. દીપકને મેન ઓફ ધ મેચ જાહેર કરવામાં આવ્યો હતો.
રાજ કુન્દ્રાની ધરપકડ બાદ ટોલર્સના નિશાને આવ્યો ક્રિકેટર અજિંક્ય રહાણે, 9 વર્ષ જુનુ છે કારણશ્રીલંકાની ટીમે ટોસ જીતીને પ્રથમ બેટિંગ કરતા નિર્ધારીત 50 ઓવરમાં 276 રનનો સ્કોર નોંધાવ્યો હતો. બેટિંગ બાદ બોલિંગમાં પણ શ્રીલંકાનું પ્રદર્શન શાનદાર રહ્યું હતું. જોકે, અંતિમ સમયમાં બોલર્સે મેચ પરથી પકડ ગુમાવી દીધી હતી. જેના કારણે યજમાન ટીમને પરાજયનો સામનો કરવો પડ્યો હતો.

ભારતીય ટીમે ત્રણ મેચની સિરીઝમાં 2-0ની અજેય સરસાઈ મેળવી લીધી છે. સિરીઝની અંતિમ મેચ 23 જુલાઈએ રમાશે. વન-ડે સિરીઝ બાદ બંને ટીમો વચ્ચે ત્રણ મેચની ટી20 સિરીઝ પણ રમાશે.