ભારતની જીત થયા પછી ભાવુક થયા સુનીલ ગાવસ્કર, કહ્યું- ટીમનું ભવિષ્ય ઉજ્વળ હાથોમાં

બ્રિસબેનઃ ભારતીય ટીમે 328 રનના લક્ષ્યને હાંસલ કરીને ઇતિહાસ રચી દીધો છે. ભારતીય ટીમે બ્રિસબેનમાં ટેસ્ટ સીરિઝમાં રનનો પીછો કરીને ત્રીજી સૌથી મોટી જીત મેળવી છે. પોર્ટ ઓફ સ્પેનમાં વેસ્ટ ઈન્ડીઝ સામે 1975-76માં ભારતે 406 રન બનાવીને મેચ જીતી હતી. આ જીતમાં ટીમ ઈન્ડિયા સભ્ય સુનીલ ગાવસ્કર ભારતની આજની જીત પર ભાવુક થઈ ગયા.

ગાવસ્કરને જ્યારે મેચ પછી જીત વિશે પૂછવામાં આવ્યું તો તેમણે કહ્યું કે તેમની પાસે શબ્દો નથી. ગાવસ્કરે કહ્યું, "મારી પાસે શબ્દો ઓછા પડી રહ્યા છે. હું પહેલા દિવસથી કહેતો આવ્યો છું કે ઈન્ડિયા 2-1થી જીતશે. મે આજે પણ કહ્યું. અહીં ઓસ્ટ્રેલિયામાં તો આજે પણ કહેવાતું હતું કે ઈન્ડિયાવાળા 50 ઓવર પણ નહીં રમી શકે. પરંતુ મારો વિશ્વાસ હતો કે મેલબોર્ન અને સિડનીની લડાઈ હતી. મને વિશ્વાસ હતો કે આજે કંઈક થવાનું છે."

પુજારા વિશે ગાવસ્કરે કહ્યું, "તેમના વિશે કહેવાનું બહુ ઓછું થતું હોય છે. તેમણે ટીમ માટે ખાસી મહેનત કરી. આટલી ઈજાઓ પછી પણ તેઓ ટકી રહ્યા. જ્યારે તેઓ સ્ટ્રાઈક પર હોય ત્યારે બીજા સ્ટ્રોકપ્લેયર ફ્રી થઈ જાય છે. તેનાથી ખ્યાલ આવે છે કે મજબૂત ખેલાડી ઉભો છે. લંચ પહેલા જો વિકટ પડી હોતો રિઝલ્ટ બદલાઈ શક્યું હોત."

તેમણે કહ્યું, "પુજારાના કારણે ઋષભ પંચને વિશ્વાસ મળ્યો. હું સમજુ છું કે આ જીત પછી આગામી 10 દિવસ બધા વધારે કામ કરશે. હું જ્યારે ઓસ્ટ્રેલિયા જતો હતો અને ટીમ સારું રમતી હતી તો ભારતમાં બધા ખુશ થઈ જતા હતા. જ્યારે હારતા હતા તો ભારતમાં બધા નિરાશ થઈ જતા હતા. આ જીત એટલા માટે વધારે શાનદાર છે કારણ કે ઓસ્ટ્રેલિયા પાસે મજબૂત ટીમ હતી. બોલ ફરતો હતો. પાંચમા દિવસે ઘણી વખત નીચો રહ્યો બોલ. તેના પર રન બનાવવું સરળ નહોતું. ઘણું સારું લાગ્યું. આ યુવા ટીમને સલામ છે. શુભમ ગિલ, ઋષભ પંત, શાર્દુલ, સુંદર બધાએ મન મોહી લીધું. ભારતીય ટીમનું ભવિષ્ય હવે ઉજવળ હાથોમાં છે."