અનુષ્કા શર્માએ શેર કરી બેબી બંપવાળી તસવીર, વિરાટ કોહલીએ કરી ક્યુટ કોમેન્ટ

નવી દિલ્હી: બોલિવુડ એક્ટ્રેસ અનુષ્કા શર્માએ બેબી બંપની તસવીર સોશયલ મીડિયા પર શેર કરી છે. તસવીરમાં તે ઘણી ક્યૂટ લાગી રહી છે. ઈન્સ્ટાગ્રામ પર શેર તસવીર પર તેના પતિ અને ભારતીય ટીમના કેપ્ટન વિરાટ કોહલીએ ખૂબ જ ક્યૂટ કોમેન્ટ કરી છે. વિરાટે લખ્યું કે, 'એક ફ્રેમમાં મારી આખી દુનિયા...' ઉલ્લેખનીય છે કે, તાજેતરમાં જ વિરાટ અને અનુષ્કા શર્માએ સોશ્યલ મીડિયા પર પોતાના ચાહકો સાથે પોતે પહેલા બાળકના માતા-પિતા બનવાના હોવાના સમાચાર શેર કર્યા હતા.

અનુષ્કાએ આ તસવીરની સાથે એક મેસેજ પણ શેર કર્યો. તેણે લખ્યું કે, 'જ્યારે તમે એક જીવન આપવા જઈ રહ્યા હોવ તો તેનાથી વધુ વાસ્તવિક બીજી કંઈ ન હોઈ શકે. જ્યારે તે તમારા નિયંત્રણમાં નથી તો હકીકતમાં શું છે?' તેમની આ તસવીર પર હજારો કોમેન્ટ આવી છે, જ્યારે કે અત્યારુ સુધીમાં 25 લાખથી વધુ લાઈક્સ મળી ચૂકી છે.

વિરાટે પોતાની આઈપીએલ ટીમ રોયલ ચેલેન્જ્રસ બેંગલુરુના ખેલાડીઓ અને સપોર્ટ સ્ટાફ સાથે દુબઈમાં છે. અહીં આરસીબીની ટીમે પોતાના કેપ્ટન અને અનુષ્કા માટે ખાસ સેલિબ્રેશન આયોજિત કર્યું હતું અને કેક કાપી હતી. ઉલ્લેખનીય છે કે, યુએઈમાં 19 સપ્ટેમ્બરથી ઈન્ડિયન પ્રીમિયર લીગ (IPL) શરૂ થવાની છે. જેની ફાઈનલ મેચ 10 નવેમ્બરે રમાશે.
આ પણ વાંચો: નાનકડા મહેમાનને આવકારવા આતુર છે કોહલી, કહ્યું 'અમને જ્યારે ખબર પડી ત્યારે...'


જણાવી દઈએ કે, ઓગસ્ટ મહિનાના અંતમાં અનુષ્કા શર્માએ પોતાના બેબી બંપની તસવીર શેર કરતા લખ્યું હતું કે, 'અને પછી અમે ત્રણ થઈ જઈશું. જાન્યુઆરી 2021માં નાનકડો મહેમાન આવવાનો છે.' હકીકતમાં, અનુષ્કાને મુંબઈની એક ક્લિકનિક બહાર સ્પોટ કરાઈ હતી, ત્યારથી તે પ્રેગ્નેન્ટ હોવાની વાત સોશ્યલ મીડિયા પર ફરતી થઈ હતી. તે પછી અનુષ્કાએ પોતે જ આ વાતને કન્ફર્મ કરી હતી અને પોતે પ્રેગ્નન્ટ હોવાનું જણાવ્યું હતું. વિરાટ અને અનુષ્કાએ 12 ડિસેમ્બર, 2017એ ઈટાલીમાં લગ્ન કર્યા હતા. તેમણે આ લગ્નને ઘણા સીક્રેટ રાખ્યા હતા. બંને પહેલી વખત એક જાહેરાતની શૂટિંગમાં મળ્યા હતા અને તે પછી કેટલીક મુલાકાતો બાદ એકબીજાને પસંદ કરવા લાગ્યા હતા. તમને જાણીને આશ્ચર્ય થશે કે વિરાટ અને અનુષ્કા એકબીજાને બાળપણથી ઓળખે છે. અનુષ્કા જ્યારે બેંગલુરુમાં રહેતી હતી, ત્યારે તેના ભાઈ કર્ણેશ અને વિરાટની દોસ્તી થઈ હતી, તેઓ એક જ જગ્યાએ ક્રિકેટ રમતા હતા. વિરાટ એ સમયે ત્યાં રહીને ક્રિકેટની ટ્રેનિંગ લઈ રહ્યો હતો. એ દરમિયાન વિરાટ ઘણી વખત કર્ણેશની સાથે તેના ઘરે જતો હતો અને એ સમયે તે અનુષ્કાને પણ મળ્યો હતો.