WTC ફાઈનલમાં વિરાટ સેના પહેરશે ખાસ જર્સી, પૂજારા-જાડેજાએ શેર કર્યો તેનો લૂક

ભારત અને ન્યૂઝીલેન્ડ વચ્ચે 18 જૂનથી વર્લ્ડ ટેસ્ટ ચેમ્પિયનશિપની ફાઈનલ રમાશે. જેમાં વિરાટ કોહલીની ટીમ નવી કિટમાં જોવા મળશે. શનિવારે ઓલરાઉન્ડર રવીન્દ્ર જાડેજાએ ભારતીય ટીમના નવા જમ્પરનો લૂક શેર કર્યો હતો જ્યારે ટેસ્ટ નિષ્ણાત ચેતેશ્વર પૂજારાએ નવી કિટનો લૂક શેર કર્યો હતો.

પૂજારાએ તેના ઈન્સ્ટાગ્રામ સ્ટોરીમાં નવી જર્સીનો લૂક શેર કર્યો હતો અને કેપ્શન લખ્યું હતું કે, નવી કિટ આવી ગઈ છે! મેદાનમાં ઉતરવા માટે આતુર છું. આ જ દિવસે ઓલ-રાઉન્ડર રવીન્દ્ર જાડેજાએ નવા જમ્પરનો લૂક શેર કર્યો હતો. જે રેટ્રો લૂકમાં હતું.
હરામ થઈ ગઈ હતી ઊંઘ, આ મેચે બદલી રવિન્દ્ર જાડેજાની જિંદગીજાડેજાએ પહેલા જમ્પરમાં આગળની બાજુ મોટા અક્ષરે ઈન્ડિયા લખેલું જોવા મળે છે. જ્યારે એક તરફ ભારતીય ક્રિકેટ કંટ્રોલ બોર્ડ (બીસીસીઆઈ)નો લોગો લગાવવામાં આવ્યો છે જ્યારે બીજી તરફ આઈસીસી વર્લ્ડ ટેસ્ટ ચેમ્પિયનશિપનો લોગો છે.
ફેને કરી વામિકાની ઝલક બતાવવાની માંગ, વિરાટ કોહલીએ આપ્યો આ જવાબજાડેજાએ શેર કરેલા સ્લીવલેસ સ્વેટર પર એક પણ સ્પોન્સરનો લોગો નથી. વર્લ્ડ ટેસ્ટ ચેમ્પિયનશિપ ફાઈનલ ઈન્ટરનેશનલ ક્રિકેટ કાઉન્સિલ (આઈસીસી)ની ઈવેન્ટ છે અને તેથી ટીમના સ્પોન્સરનો લોગો લગાવી શકાય નહીં. સ્વેટર પર ગળાના ભાગે વાદળી રંગના સ્ટ્રેપ જોવા મળે છે.

ભારતીય ટીમ વર્લ્ડ ટેસ્ટ ચેમ્પિયનશિપની ફાઈનલ રમવા માટે 2 જૂનથી ચાર્ટર ફ્લાઈટમાં મુંબઈથી ઈંગ્લેન્ડ જવા રવાના થશે. સાઉથમ્પ્ટન પહોંચ્યા બાદ વિરાટ કોહલીની ટીમ 10 દિવસ ક્વોરેન્ટીનમાં રહેશે.