માન્ચેસ્ટર: ઈન્ટરનેશનલ ક્રિકેટ કાઉન્સિલ (ICC) તરફથી રજૂ ગાઈડલાઈન્સ છતાં પણ ઈંગ્લેન્ડના ઓપનર ડોમ સિબલીથી રવિવારે વેસ્ટઈન્ડીઝ વિરુદ્ધ બીજી ટેસ્ટમાં ભૂલ થઈ ગઈ. ઑલ્ડ ટ્રેફર્ડ મેદાન પર રમાઈ રહેલી બીજી ટેસ્ટ મેચના ચોથા દિવસે અમ્પાયર્સે બોલને સેનિટાઈઝ કરવો પડ્યો. મેચના બીજા સેશનમાં ઈંગ્લેન્ડના ડોમ સિબલીએ ભૂલથી બોલ પર થૂંક લગાવી દીધું હતું, જેની પરવાનગી નથી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
વેસ્ટ ઈન્ડીઝની ઈનિંગની 42મી ઓવરની શરૂઆત પહેલા એમ્પાયર માઈકલ ગૉફને ટિશ્યૂ ખોલી બૉલને સાફ કરતા જોવામાં આવ્યા. બાદમાં જાણવા મળ્યું કે, સિબલીએ ભૂલથી બોલ પર સલાઈવા લગાવી દીધું હતું અને મેજબાન ટીમે તરત જ તેની જાણકારી અમ્પાયર્સને આપી જેમણે બોલને સેનિટાઈઝ કર્યો.
ICCએ ઘાતક કોરોના વાયરસના સંક્રમણને રોકવા માટે બોલ ચમકાવવા માટે થૂંક લગાવવાની મનાઈ ફરમાવી દીધી છે. આવું કરવા પર પહેલા ટીમને ચેતવણી આપવામાં આવે છે પણ પરંતુ વારંવાર આ હરકત રિપીટ થાય તો સજા પણ મળી શકે છે.ટીમને જાણી જોઈને અથવા ભૂલથી સલાઈવા લગાવવા પર બે ચેતવણીઓ આપવામાં આવશે અને તેના પછી પાંચ રનની પેનલ્ટી પણ આપવામાં આવશે.