બેટ્સમેનોના ફરી એકવાર કંગાળ પ્રદર્શનને લીધે ભારતીય ટીમે ચોથી ટેસ્ટની સાથે-સાથે સીરીઝ પણ હારી ગઈ છે. ભારત તરફથી કેપ્ટન વિરાટ કોહલી અને અજિંક્ય રહાણે સિવાય તમામ બેટ્સમેનો ફ્લૉપ રહ્યા હતા અને 245 રનના ટાર્ગેટ સામે માત્ર 184 રનમાં ઓલઆઉટ થઈ ગઈ હતી. ઈંગ્લેન્ડ તરફથી મોઈન અલીએ સૌથી વધુ 4 વિકેટ ઝડપી હતી. તેણે પ્રથમ ઈનિંગમાં પણ પાંચ વિકેટો ઝડપી હતી. આ ઉપરાંત જેમ્સ એન્ડરસન અને બેન સ્ટૉક્સે 2-2 વિકેટો ઝડપી હતી. આ વિજયની સાથે જ ઈંગ્લેન્ડ 3-1થી સીરીઝ જીતી ગઈ છે અને હવે પાંચમી તથા અંતિમ ટેસ્ટ ઔપચારિક બની ગઈ છે.
કોહલી-રહાણે ન અપાવી શક્યા જીત
અગાઉ ભારતે 245 રનના ટાર્ગેટનો પીછો કરતા 22 રનમાં જ ત્રણ વિકેટો ગુમાવી દીધી હતી. લોકેશ રાહુલ, ચેતેશ્વર પૂજારા અને શિખર ધવન સસ્તામાં આઉટ થઈ જતા ભારત મુશ્કેલીમાં મુકાઈ ગયું હતું. જોકે, ત્યારબાદ કેપ્ટન કોહલી અને રહાણેએ બાજી સંભાળતા ચોથી વિકેટ માટે 101 રન જોડ્યા હતા અને જીતની આશા જન્માવી હતી. પણ મોઈન અલીએ વિરાટ (58) આઉટ કરી ગાબડું પાડ્યું હતું અને ત્યારપછી ભારતીય બેટ્સમેનો ઉપરાછાપરી આઉટ થયા હતા અને જોતજોતામાં ટીમ 184 રન પર આઉટ થઈ ગઈ હતી.
ઈંગ્લેન્ડ 271 રનમાં ઓલઆઉટ, શમીની ચાર વિકેટ
અગાઉ ભારતીય બોલર્સના શાનદાર પ્રદર્શનથી ઈંગ્લેન્ડ બીજી ઈનિંગમાં 271 રનમાં ઓલઆઉટ થઈ ગયું. ભારત પાસે પ્રથમ ઈનિંગમાં 27 રનની લીડ હતી જેના આધારે તેને હવે આ ટેસ્ટ જીતવા માટે 245 રનનો લક્ષ્ય મળ્યો હતો. બીજી ઈનિંગમાં ભારત તરફથી મોહમ્મદ શમીએ સૌથી વધુ ચાર વિકેટ ઝડપી, ઈશાંત શર્માને 2 જ્યારે અશ્વિન અને બુમરાહને 1-1 વિકેટ મળી. ઈંગ્લેન્ડ તરફથી જોઝ બટલરે 69, કેપ્ટન જો રૂટે 48 જ્યારે સેમ કરને 46 રન બનાવ્યા.
ભારતે ગુમાવી 2-2થી બરાબરી કરવાની તક
245 રનનો લક્ષ્યાંક ભલે દેખીતી રીતે નાનો હતો પરંતુ તેને પાર કરવો ભારતીય ટીમ માટે એટલું સરળ રહ્યું નહોતું. કેપ્ટન વિરાટ કોહલી અને અજિં રહાણે સિવાયના કોઈ બેટ્સમેને ખાસ યોગદાન ન આપતા ભારતને પરાજયનો સામનો કરવો પડ્યો હતો.
કરન-બટલરની લડાયક બેટિંગ
ઈંગ્લેન્ડે ગઈકાલના સ્કોર 8 વિકેટે 260 રનથી આગળ રમવાનું શરૂ કર્યા બાદ આજે વધુ 11 રન બનાવી 2 વિકેટ ગુમાવી દીધી હતી. આજે પડેલી બે વિકેટોમાંથી એક સ્ટુઅર્ટ બ્રોડ (0) મોહમ્મદ શમીની બોલિંગમાં આઉટ થયો હતો જ્યારે સેમ કરન (46) રનઆઉટ થયો હતો. ઉલ્લેખનીય છે કે, ટેસ્ટના ત્રીજા દિવસે ઈંગ્લેન્ડે એક તબક્કે 122 રનમાં પાંચ વિકેટ ગુમાવી દીધી હતી. આ સમયે લાગતું હતું કે, ભારતને જીત માટે ખૂબ આસાન ટાર્ગેટ મળશે પણ એવું થયું નહીં. બટલર અને સેમ કરન ઉપરાંત બેન સ્ટોક્સ (30) લડાયક બેટિંગ કરતા ઈંગ્લેન્ડને મુશ્કેલીમાંથી બહાર કાઢી લીધું હતું.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.