ગૌતમનો ધોની પર 'ગંભીર' આરોપ, કહ્યું- તેના કારણે WCમાં સદી પૂરી ના કરી શક્યો

જ્યારે જ્યારે ગૌતમ ગંભીરના ક્રિકેટ કરિયરની વાત થાય ત્યારે તેની 2011ના વર્લ્ડકપની ફાઈનલમાં રમેલી 97 રનની ઈનિંગ્સ યાદ આવી જાય છે. મુંબઈના વાનખેડે સ્ટેડિયમમાં છગ્ગો મારીને કેપ્ટન ધોનીએ ભલે ટીમ ઈન્ડિયાને જીત અપાવી હોય, પરંતુ વર્લ્ડકપની ફાઈનલમાં જીતનો મુખ્ય સૂત્રધાર ગૌતમ ગંભીર છે. જોકે 8 વર્ષ બાદ ગૌતમ ગંભીરે જણાવ્યું કે આખરે તે કેવી રીતે શ્રીલંકા સામે ફાઈનલ મેચમાં સદી બનાવવાથી ચૂકી ગયો. ભૂતપૂર્વ ક્રિકેટરે આ વિશે વાત કરતા ધોની વિરુદ્ધ નિવેદન આપીને એક નવો વિવાદ શરૂ કર્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:એક વેબસાઈટને આપેલા ઈન્ટરવ્યુમાં ગંભીરે કહ્યું કે, 2011ના વર્લ્ડકપ ફાઈનલમાં શ્રીલંકા સામેની મેચમાં ધોનીની કહેલી એક વાતને કારણે હું સદી ફટકારી નહોતો શક્યો. ગૌતમ ગંભીરએ કહ્યું, ‘મને ઘણીવાર પૂછવામાં આવ્યું કે જ્યારે હું 97 રન પર હતો ત્યારે શું થયું. હું બધા યુવાનો અને બધા લોકોને કહું છું કે જ્યારે હું 97 પર પહોંચ્યો એ પહેલા મેં મારા અંગત સ્કોર વિશે વિચાર્યું ન હતું, શ્રીલંકા તરફથી મળેલા ટાર્ગેટ પર મારું ધ્યાન કેન્દ્રિત કર્યું હતું. મને યાદ છે કે જ્યારે ઓવર પૂરી થઈ ત્યારે હું અને ધોની ક્રિઝ પર હતા. તેણે મને કહ્યું કે 3 રન બાકી છે, આ 3 રન બનાવી નાખ એટલે તારી સદી પૂરી થઈ જશે.ગંભીરનું માનવું છે કે, ધોનીએ જે રીતે સદીની વાત તેને યાદ કરાવી તેના કારણે તેનું ધ્યાન ભટકાઈ ગયું અને પરિણામે તેની વિકેટ ખડી ગઈ. તે વધુમાં કહે છે, ‘જ્યારે અચાનક તમારું મન અંગત પ્રદર્શન, વ્યક્તિગત સ્કોર પર જાય છે ત્યારે તમારો ઉત્સાહ વધી છે. આ ક્ષણ પહેલા મારું લક્ષ્ય શ્રીલંકાના સ્કોરને વટાવી જવાનું હતું. જો તે જ લક્ષ્ય મારા મગજમાં રહ્યું હોત તો હું સરળતાથી સદી ફટકારી શક્યો હોત.’ગંભીરે આગળ કહ્યું, જ્યાં સુધી હું 97 પર હતો ત્યારે મેં વિચાર્યું કે હું સદીથી 3 રન જ દૂર છું, ત્યારબાદ સદી ફટકારવાની ઇચ્છા ઉત્સાહિત થઈ ગઈ. તેથી તે જ ક્ષણમાં જીવવું મહત્વપૂર્ણ છે. જ્યારે હું ડ્રેસિંગ રૂમમાં જતો હતો ત્યારે મેં મારી જાતને કહ્યું કે આ 3 રન મને આજીવન ત્રાસ આપશે અને આજે સાચે મને ખુબ ખૂંચી રહ્યા છે.ઉલ્લેખનીય છે કે, ફાઈનલ મેચમાં ગંભીરે 97 રન બનાવ્યા હતા. જ્યારે તે સદીથી માત્ર 3 રન દૂર હતો ત્યારે તે થિસારા પરેરાના બોલ પર ક્રિઝની બહાર આક્રમક શોટ રમવા ગયો અને બોલ્ડ થયો હતો. ભારતે આ મેચ જીતી લીધી હતી પરંતુ ગંભીર ફાઈનલમાં સદી ફટકારવાથી દૂર રહી ગયો હતો. આ મેચમાં ધોનીએ અણનમ 91 રન બનાવ્યા હતા અને તે ‘મેન ઓફ ધ મેચ’ બન્યો હતો.આ પણ જુઓઃ ‘જન્નત ગર્લ’ સોનલ ચૌહાણનો હોટ અંદાજ, તેની આ તસવીર જોઈને પરસેવો વળી જશે