સર્જરી બાદ બેબી સ્ટેપ ચાલ્યો હાર્દિક પંડ્યા, વીડિયો વાયરલ

નવી દિલ્હીઃ ટીમ ઇન્ડિયાના ઓલરાઉન્ડર ખેલાડી હાર્દિક પંડ્યા આજકાલ પીઠના ઈલાજ માટે ઇંગ્લેન્ડ ગયો છે. જ્યાં હાર્દિકે પોતાની લોઅર બેક ઇન્જરીની સર્જરી કરાવી છે. સર્જરીના લગભગ 4-5 દિવસ બાદ હવે તેણે ચાલવાનું શરું કર્યું છે. મંગળવારે મોડી રાત્રે હાર્દિકે એક વીડિયો શેર કર્યો જે હવે સોશીલય મીડિયા પર ખૂબ વાયરલ થઈ રહ્યો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:હાર્દિક દ્વારા પોસ્ટ કરવામાં આવેલ આ વીડિયો 57 સેકંડનો છે. આ વીડિયોમાં હાર્દિક સર્જરી બાદ હવે પોતાને રિકવર કરી રહ્યો હોવાનું જોવા મળે છે. હાર્દિકે વીડિયો સાથે લખ્યું બેબી સ્ટેપ્સ…. પરંતુ ફિટનેસ પરત મેળવવા માટેના પ્રવાસની શરુઆત તો અહીંથી જ થાય છે. તમારા બધાના સપોર્ટ અને પ્રાર્થના માટે ખૂબ ખૂબ આભાર. આ મારા માટે ખૂબ મહત્વનું છે.આ વીડિયોમાં હાર્દિકે સર્જરી બાદ પોતાના અલગ અલગ વિઝ્યુઅલ પોસ્ટ કર્યા છે. જેમાં તે પહેલા બેબી સ્ટેપ, પછી વેલી ચેર અને ત્યાર બાદ મિત્રના સહારે ધીરે ધીરે ચાલતો જોવા મળે છે. આ ઈજાથી સંપૂર્ણરીતે બહાર નીકળવા માટે હાર્દિક હજુ બીજા 4-5 મહિના ક્રિકેટથી સંપૂર્ણરુપે બહાર જ રહેશે.હાર્દિકને વર્ષ 2018માં એશિયા કપ દરમિયાન લોઅર બેકમાં ઈજા થઈ હતી. ત્યારે તે બોલિંગ કરતા કરતા જ ગ્રાઉન્ડ પર સૂઈ ગયો હતો. જે બાદ તે આ ઈજામાંથી એકવાર ફરી સાજો થયો હતો અને ભારતના વર્લ્ડકપ મિશન 2019નમાં ટીમનો ભાગ પણ બન્યો હતો. જોકે એકવાર ફરી તેની આ ઈજા અને તેનો દુખાવો શરુ થતા તેણે ઇંગ્લેન્ડમાં સારવાર કરાવી છે.