ભારતને મોટો ફટકો, હાર્દિક પંડ્યા થયો ઈજાગ્રસ્ત

I am Gujarat

બોલિંગ કરતી વખતે થઈ ઈજા

ભારતીય ટીમને પાકિસ્તાન સામેના મહામુકાબલામાં મોટો ઝાટકો ત્યારે લાગ્યો જ્યારે પાકિસ્તાની ઈનિંગની 17મી ઓવર ફેંકી રહેલો હાર્દિક પંડ્યા ઈજાગ્રસ્ત થઈ ગયો. તે એટલી ગંભીર રીતે ઘાયલ થયો હતો કે, તેને સ્ટ્રેચર પર મેદાનની બહાર લઈ જવાયો. એ વિશે હજુ કોઈ જ જાણકારી મળી શકી નથી કે, બેટિંગ માટે ઉતરી શકશે કે નહીં.

થાપાના સ્નાયુ ખેંચાયા

ઉલ્લેખનીય છે કે, ઈનિંગની 17મી ઓવર ફેંકી રહેલો હાર્દિક ઓવરનો પાંચમો બોલ ફેંક્યા બાદ પોતાનું સંતુલન ગુમાવી બેઠો હતો અને પિચ પર પડી ગયો હતો. તેને પિચ પર પડેલો જોઈ બેટિંગ કરી રહેલા શોએબ મલિક અને બાબર આઝમે તેને સપોર્ટ આપ્યો. કૉમેન્ટેટરે જણાવ્યું કે, તેના થાપાના ભાગે ખેંચ આવી છે.

કેટલી ગંભીર છે હાર્દિકની ઈજા?

બાદમાં મેડિકલ સ્ટાફ મેદાન પર પહોંચી ગયો પણ હાર્દિક ઊભો થઈ શક્યો નહીં જેથી તેણે સ્ટ્રેચર પર સૂવાડી બહાર લઈ જવાયો. ઓવરનો બાકી રહેલો એક બોલ અંબાતી રાયડૂએ ફેંક્યો. હવે જોવાનું એ રહ્યું કે, હાર્દિકની આ ઈજા કેટલી ગંભીર છે અને તે ભારતીય ઈનિંગમાં બેટિંગ માટે ઉતરી શકે તેવી સ્થિતિમાં છે કે નહીં.