ક્યારેક બંને ટંક માત્ર મેગી ખાઈને પેટ ભરતો આ ભારતીય સ્ટાર ક્રિકેટર!

I am Gujarat

ક્રિકેટ માટે ગજબનું ઝનૂન

ઑલ રાઉન્ડર હાર્દિક પંડ્યા આજે ભારતીય ટીમનો ખૂબ મહત્વનો હિસ્સો બની ગયો છે. આજે તે જે સ્થાને પહોંચ્યો છે તેના માટે તેને ખૂબ તકલીફોનો સામનો કરવો પડ્યો છે. ક્રિકેટ માટે હાર્દિકમાં એ હદે ઝનૂન હતુ કે, બીજા પાસેથી કિટ ઉધાર લઈને ક્રિકેટ રમવા જતો હતો અને આખા દિવસમાં બે ટાઈમ મેગી ખાઈને પોતાનું પેટ ભરતો હતો. પોતાના સંઘર્ષની વાત જણાવતા હાર્દિકે કહ્યું કે, અંડર-19 દરમિયાન હું માત્ર મેગી જ ખાતો હતો. હું મેગીનો ફેન તો હતો જ પણ તે સમયે પરિસ્થિતિઓ પણ કંઈક એવી જ હતી એટલે મારે ફક્ત મેગી ખાઈને ચલાવવું પડતુ હતું.

ગરીબીને લીધે ડાયેટ પણ નહોતો કરી શકતો

હાર્દિકે વધુમાં કહ્યું કે, આર્થિક પરિસ્થિતિ ખૂબ નબળી હોવાને લીધે મારા માટે ડાયેટ મેનેજ કરી શકવું ખૂબ મુશ્કેલ હતું. ‘What The Duck’ શોમાં પોતાના જીવન વિશે વાત કરતા પંડ્યાએ જણાવ્યું કે, અંડર-16 વખતે મારી સ્થિતિ ખૂબ જ ખરાબ હતી કારણ કે, તે સમયે પોતાને રોકવો પણ મુશ્કેલ હતું પરંતુ હવે બઘું બદલાઈ ગયું છે.

IPLમાં આવ્યા બાદ ચમકી કિસ્મત

તે સમય ખૂબ જ સુંદર હતો. હું ખૂબ ભાગ્યશાળી છું કારણ કે, તે મુશ્કેલ સમયે મને આજે અહીં પહોંચાડ્યો છે. બહુ ઓછા લોકો જાણે છે કે, કોઈપણ સેવિંગ કર્યા વિના અમે એક ગાડી ખરીદી હતી. હું અને મારો ભાઈ કૃણાલ મેચ રમવા માટે ગાડીમાં જતા હતા. ત્યારે લોકો અમારા પર સવાલ ઉઠાવતા હતા હતા કે, અમે ગાડીથી આવીએ છીએ પણ ક્રિકેટ રમવા માટે પોતાની કિટ નથી. મેં અને કૃણાલે નિર્ણય લીધો હતો કે, પરિસ્થિતિ ભલે ગમે તેવી હોય પણ અમે નબળા નહીં પડીએ. IPLપહેલાના 6 મહિના સુધી મારા ભાઈને 500 અને મને 400 રૂપિયા મળતા હતા.