હાર્દિકે 355.55ની સ્ટ્રાઈક રેટથી બનાવ્યા રન, તેમ છતાં હજુ આ દિગ્ગજોથી પાછળ

I am Gujarat

આયરલેન્ડ સામે સીરીઝ 2-0થી જીતી

ભારતે શુક્રવારે આયરલેન્ડ સામેની બીજી ટી-20 મેચમાં રેકોર્ડ 143 રને વિજય મેળવ્યો. યુવા ઓલરાઉન્ડર હાર્દિક પંડ્યાએ 18મી ઓવરમાં બેટિંગ કરવા માટે ક્રિઝ પર આવ્યો અને તોફાની બેટિંગ કરી સૌ કોઈને ચૌકાવી દીધા. તેણે માત્ર 9 બોલમાં 355.55ની સ્ટ્રાઈક રેટથી 32 રન બનાવી નોટ આઉટ રહ્યો હતો.

આટલી સ્ટ્રાઈક રેટ હોવા છતા હાર્દિક હજુ ત્રીજા નંબરે

તમને જાણી આશ્ચર્ય થશે કે હાર્દિકે આટલી આક્રમક ઈનિંગ રમી, પરતુ આંતરાષ્ટ્રીય ટી20 ક્રિકેટમાં એક ઈનિંગમાં 30થી વધુ રન બનાવારા બેટ્સમેન ની વાત કરીએ તો આ સર્વેશ્રેષ્ઠ સ્ટ્રાઈક રેટ નથી. આ મામલે હાર્દિક હજુ ત્રીજા નંબરે છે.

યુવરાજ સિંહ પહેલા નંબરે

સૌથી સર્વશ્રેષ્ઠ સ્ટ્રાઈક રેટનો રેકોર્ડ યુવરાજ સિંહના નામે છે. તેણે 2007માં ટી20 વર્લ્ડ કપમાં ઈંગ્લેડ સામે માત્ર 16 બોલમાં 58 રન બનાવ્યા હતા. જેમાં તેની સ્ટ્રાઈક રેડ 362.50 રહી હતી. આ લિસ્ટમાં ન્યૂઝીલેન્ડનો કોલિન મુનરોએ 2016માં શ્રીલંકા સામે 14 બોલમાં 357.14ની સ્ટ્રાઈક રેટથી 50 રન બનાવ્યા હતા. હાર્દિક પંડ્યાએ માત્ર 9 બોલમાં 355.55ના સ્ટ્રાઈક રેડ સાથે 32 રન કરી ત્રીજા નંબરે છે.