પાકિસ્તાની ક્રિકેટરનો રામ પ્રેમ, કહ્યું - તક મળી તો અયોધ્યા જરૂર જઈશ

પાકિસ્તાની ટીમ પર પોતે હિન્દુ હોવાને કારણે ભેદભાવનો આરોપ લગાવનારા કનેરિયાએ સોમવારે ટ્વીટ કરી કે, 'અમારા માટે આ એક ધાર્મિક સ્થાન છે અને જો મને તક મળશે તો હું નિશ્ચિતપણે અયોધ્યા જવા માગીશ. હું એક સમર્પિત હિન્દુ છું અને હંમેશાં ભગવાન રામના દેખાડેલા માર્ગ પર ચાલવાનો પ્રયત્ન કરું છું.'

39 વર્ષીય કનેરિયા તે સમયે ચર્ચામાં આવ્યો હતો જ્યારે પાકિસ્તાનના પૂર્વ ફાસ્ટ બોલર શોએબ અખ્તરે જણાવ્યું હતું કે, આ બોલર સાથે કેટલાક પાકિસ્તાની ક્રિકેટરોએ સારું વર્તન નહોતું કર્યું.


અખ્તરે દાવો કર્યો હતો કે, કનેરિયાના હિન્દુ હોવાને કારણે કેટલાક ક્રિકેટર્સ તેની સાથે જમતા નહોતા. શોએબના આ નિવેદન બાદ ઘણો વિવાદ થયો હતો. જોકે, તેણે કોઈ ક્રિકેટરનું નામ નહોતું લીધું.

જણાવી દઈએ કે, કનેરિયાએ પાકિસ્તાન માટે 61 ટેસ્ટ અને 18 વન-ડે રમી છે. તેના નામ ટેસ્ટમાં 261 અને વન-ડે ઈન્ટરનેશનલમાં કુલ 15 વિકેટ છે.