INDvPAK: મેચમાં અનોખી રીતે શાંતિનો સંદેશ લઈને આવ્યું આ કપલ

હાલમાં ભારત અને પાકિસ્તાન વચ્ચેના સંબંધો સુમેળભર્યા નથી. આતંકીઓએ પુલાવામામાં કરેલા હુમલામાં ભારતના 40 જવાનોના મોત થયા હતા. જેનો બદલો લેવા ભારતે બાલાકોટમાં એર સ્ટ્રાઈક કરી હતી. એર સ્ટ્રાઈક વખતે વિંગ કમાન્ડર અભિનંદન પાકિસ્તાનમાં ફસાઈ ગયા અને લગભગ બે દિવસ પછી દેશ પરત લાવી શકાયા. આ બધા વચ્ચે વર્લ્ડ કપમાં ભારત-પાકિસ્તાનની મેચને બોયકોટ કરવાના સૂર ઉઠ્યા હતા. જો કે, ઘણી બધી અટકળોના અંતે આખરે ભારત-પાકિસ્તાન વચ્ચે મેચ રમાઈ અને 89 રને ટીમ ઈન્ડિયાનો ભવ્ય વિજય થયો. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો જો કે, ભારત-પાકિસ્તાનની મેચમાં એક કપલે શાંતિનો સંદેશ આપવા માટે અનોખો પ્રયાસ કર્યો. મહિલા ભારતીય અને તેનો પતિ પાકિસ્તાની છે. પતિ-પત્નીએ બંને ટીમની સંયુક્ત જર્સી પહેરી હતી. અડધી ભારતીય ટીમની અને અડધી પાકિસ્તાનની ટીમની જર્સી પહેરીને આ દંપતી માન્ચેસ્ટરના ઓલ્ડ ટ્રફોર્ડમાં મેચ જોવા આવ્યું હતું. મેચ પહેલા મીડિયા સાથે વાત કરતાં યુવાને કહ્યું, “મારી પત્ની ભારતની છે અને હું પાકિસ્તાનનો છું. એટલે અમે બંને દેશને સપોર્ટ કરવાનું નક્કી કર્યું. આપણે બધા સારા ક્રિકેટને સપોર્ટ કરીએ છીએ. જે સારું રમે તે ટીમ જીતવી જોઈએ. જીત ક્રિકેટની થવી જોઈએ.” આ કપલનો પ્રયાસ પ્રશંસનીય છે. એક તરફ જ્યાં ભારત-પાકિસ્તાનની મેચને લઈને બંને ટીમના દર્શકો યુદ્ધ મેદાને ઉતર્યા હોય તેવી સ્થિતિ પેદા કરી હતી ત્યારે શાંતિના સંદેશ સાથે આ કપલ આવ્યું. અંતે દરેક વ્યક્તિ શાંતિ જ તો ઈચ્છે છે.