એશિયા કપઃ રોહિત-જાડેજા સામે બાંગ્લાદેશ ઘૂંટણીએ પડ્યું, ભારતનો 7 વિકેટે વિજય

I am Gujarat

ભારતે બાંગ્લાદેશના 7 વિકેટે હરાવ્યું

દુબઈઃ એશિયા કપના સુપર ફોર મુકાબલામાં બાંગ્લાદેશ સામેની મેચમાં ભારતીય ટીમ 7 વિકેટથી વિજય હાંસેલ કર્યો છે. દુબઈ ઈન્ટરનેશનલ ક્રિકેટ સ્ટેડિયમમાં રમાઈ રહેલી મેચમાં બાંગ્લાદેશની ટીમે પ્રથમ બેટિંગ કરતા ભારતને 174 રનનો ટાર્ગેટ આપ્યો હતો. જેના જવાબમાં ભારતીય ટીમે 3 વિકેટ ગુમાવીને 36.2 ઓવરમાં 174 રન બનાવી લીધી હતા.

રોહિતના અણનમ 83 રન

ભારત તરફથી ઓપનિંગ જોડી સતત સારા ફોર્મમાં ચાલી રહી છે. શિખર ધવન અને રોહિત શર્માની જોડીએ પહેલી વિકેટ માટે 61 રનની પાર્ટનરશીપ કરી હતી. 15મી ઓવરમાં શિખર ધવન શાકીબની બોલિંગમાં 40 રન બનાવી આઉટ થયો હતો. ત્યાર બાદ આવેલા રાયડુ કંઈ ખાસ કરી શક્યો નહોતો અને રુબેલની ઓવરમાં 13 રને કેચ આઉટ થયો હતો. જ્યારે મહેન્દ્ર સિંહ ધોની 33 રન બનાવીને આઉટ થયો હતો. તો કેપ્ટન રોહિત શર્માએ અણનમ 83 રન બનાવ્યા હતા.

જાડેજાએ ઝડપી 4 વિકેટો

આ પેહલા ભારતીય બોલર્સે ખુબ જ સારી બોલિંગ કરીને 49.1 ઓવરમાં બાંગ્લાદેશની ટીમને ઓલઆઉટ કરી દીધી હતી. ભારત તરફથી લાંબા સમય બાદ વનડેમાં કમબેક કરી રહેલા જાડેજાએ 4 વિકેટ ઝડપી હતી. તો બંને ફાસ્ટ બોલર્સ બુમહાર અને ભુવનેશ્વર કુમારે 3-3 વિકેટો ઝડપી હતી.

ભારતે ટોસ જીતીને કર્યો બોલિંગનો નિર્ણય

ભારતીય ટીમે ટોસ જીતીને બાંગ્લાદેશની ટીમને સૌ પ્રથમ બેટિંગ માટે આમંત્રણ આપ્યું હતું. ભારતીય ઝડપી બોલર્સેની જોડીએ પ્રારંભિક ઝટકાઓ આપીને બંને ઓપનર્સને આઉટ કરી દીધા હતા. બાંગ્લાદેશ તરફથી સૌથી વધારે મહેંદી હસને 42 રન બનાવ્યા હતા. ત્યારે બાદ કેપ્ટન મુસરફે મોર્તાઝાએ 26 રન બનાવ્યા હતા. આમ સમગ્ર ટીમ 173 રનના સ્કોર પર ઓલઆઉટ થઈ ગઈ હતી.