નવી દિલ્હી: ઈન્ડિયન પ્રીમિયર લીગ (આઈપીએલ)એ સીઝન 2018 માટે સોમાવેર પોતાનું એન્થમ (થીમ સોંગ) લોન્ચ કર્યું. આ ફિલ્મ નયા દૌરનું જાણીતું ગીત ‘યે દેશ હૈ વીર જવાનો કા, અલબેલો કા મસ્તાનો કા’ની થીમ પર બનાવાયું છે. આ એન્થમ ‘યે ખેલ હૈ શેર જવાનો કા’ લાઈનથી શરૂ થાય છે.
પાંચ ભાષામાં રિલીઝ કરાયું એન્થમ
આ એન્થમને પાંચ ભાષાઓમાં રિલીઝ કરાયું છે. જેમાં હિંદી, તમિળ, બંગાળી, કન્નડ અને તેલુગુ સામેલ છે. ટીવી, રેડિયો અને ડિજિટલ મીડિયા પર તેનો ખૂબ જ પ્રચાર-પ્રસાર કરવામાં આવી રહ્યો છે. આઈપીએલનો પહેલો મુકાબલો 7 એપ્રિલથી વર્તમાન ચેમ્પિયન મુંબઈ ઈન્ડિયન્સ અને ચેન્નઈ સુપરકિંગ્સની વચ્ચે રમાશે.
જુઓ વીડિયો
‘બેસ્ટ બનામ બેસ્ટ’ રખાયું છે ગીતનું નામ
આ એન્થમને બીસીસીઆઈ અને સ્ટાર ઈન્ડિયાએ મળીને બનાવ્યું છે. ગીતનું નામ ‘બેસ્ટ બનામ બેસ્ટ’ રખાયું છે. તેમાં એ જણાવવાનો પ્રયાસ કરાયો છે કે, આ ટૂર્નામેન્ટમાં બેસ્ટ ટીમો જ એકબીજાની સામે રમે છે. ગીતને બનાવવામાં સાઉથ આફ્રિકાના ફિલ્મ મેકર ડેન મેસ, મ્યૂઝિક ડાયરેક્ટર રાજીવ ભલ્લાએ સાથ આપ્યો છે. ગીતને પાંચ ભાષામાં સિદ્ધાર્થ બુસરે ગાયું છે.
‘ખેલ સાથે જોડાયેલી ભાવના રજૂ કરે છે ગીત’
બીસીસીઆઈના મુખ્ય કાર્યકારી અધિકારી રાહુલ જોહરીએ કહ્યું કે, ‘આઈપીએલમાં ઘણો રોમાંચ છે, જ્યાં સ્ટેડિયમ ખચાખચ ભરેલા રહે છે અને સર્વશ્રેષ્ઠ પ્રતિભા આ ટૂર્નામેન્ટમાં સામ-સામે હોય છે. બેસ્ટ બનામ બેસ્ટ એ ભાવનાને પ્રદર્શિત કરે છે, જે આ ખેલ સાથે જોડાયેલી છે.’
વિપુલ પટેલ છેલ્લા 19 વર્ષ કરતા વધુ સમયથી પત્રકારના ક્ષેત્રમાં છે. કારકિર્દીની શરૂઆતમાં ક્રાઈમ, કોર્ટ અને મ્યુનિસિપલ કોર્પોરેશનનું રિપોર્ટિંગ કરવા ઉપરાંત તેઓ ન્યૂઝ એડિટિંગના કામનો પણ બહોળો અનુભવ ધરાવે છે. તેમણે ગુજરાત યુનિવર્સિટીમાંથી ગ્રેજ્યુએશન (બીએ વિથ ઈંગ્લિશ) કર્યું છે. ત્યારબાદ ડિપ્લામા ઈન જર્નાલિમઝ કરી પત્રકારના ક્ષેત્રમાં જોડાયા. તેઓ વેસ્ટર્ન ટાઈમ્સ, આજકાલ, સંદેશ અને દિવ્ય ભાસ્કર જેવા અખબારોમાં એડિટિંગનું કામ અને દિવ્ય ભાસ્કરની વેબસાઈટમાં પણ કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.