એશિયા કપ 2018માં સુપર 4 મુકાબલામાં ભારત અને અફઘાનિસ્તાન વચ્ચે ટાઈ રહી. ભારત માટે એકદમ સરળ લાગતી મેચમાં અફઘાનિસ્તાને જોરદાર ટક્કર આપીને કમ બેક કર્યું. એ વાતમાં કોઈ શક નથી કે અફઘાનિસ્તાન માટે આ ટાઈ પણ જીતથી કમ નથી. મેચના આવા પરિણામ માટે અમ્પાયરિંગ પણ જવાબદાર છે. કહી શકાય કે મેચમાં કેપ્ટન તરીકેની ભૂમિકા ભજવી રહેલા ધોનીની વિરુદ્ધમાં ગયેલો નિર્ણય ભારત પર ભારે પડ્યો. પણ, અફઘાનિસ્તાન અને અંતિમ ઓવર કરી રહેલા રાશિદ ખાન પાસેથી દમદાર પરફોર્મન્સનો શ્રેય ના ખેંચી શકાય. ભારતને અંતિમ ઓવરમાં જીત માટે 7 રનની જરુર હતી, પણ રાશિદે ભારતીય બેટ્સમેનોને સફળ ના થવા દીધા.
ભારતની સારી રહી શરુઆત
ઉલ્લેખનીય છે કે, એફઘાનિસ્તાને 253 રનનું લક્ષ્ય આપ્યું હતું જેનો પીછો કરવા ઉતરેલી ભારતીય ટીમ 50મી ઓવરના પાંચમા બોલ પર રવિન્દ્ર જાડેજા (25)ની અંતિમ વિકેટ ગુમાવી અને આખી ટીમ 252 પર ઓલ આઉટ થઈ ગઈ. પહેલાથી ફાઈનલમાં જગ્યા બનાવી ચુકેલી ભારતની ટીમની ઓપનિંગ જોડી લોકેશ રાહુલ (60) અને અંબાતી રાયડુ (57)એ પહેલી વિકેટ માટે 110 રનની પાર્ટનરશિપ બનાવી હતી, જ્યારે દિનેશ કાર્તિકે 44 રન બનાવ્યા પણ, ટીમને જીત ના અપાવી શક્યા.
10 ઓવરમાં જોઈતા હતા 46 રન
ભારતને અંતિમ 10 ઓવરમાં 46 રનની જરુર હતી. રવિન્દ્ર જાડેજા અને દીપક ચાહરે 21 રનની પાર્ટનરશિપ કરી, પણ આફતાબે ચાહરને બોલ્ડ કરી દીધો. ભારતને અંતિમ ત્રણ ઓવરમાં જીત માટે 17 રનની જરુર હતી. રાશિદની 48મી ઓવરમાં 5 રન થયા, પણ આફતાબ આગલી ઓવરમાં કુલદીપ યાદવ (9) અને સિદ્ધાર્થ કૌલ (0) રન આઉટ થયા જ્યારે આ ઓવરમાં માત્ર 6 રન બન્યા.
અંતિમ ઓવરનો રોમાંચ
અંતિમ ઓવરમાં પણ મેચ ભારતના હાથમાં હતી. ભારતને જીત માટે 7 રનની જરુર હતી, જ્યારે અફઘાનિસ્તાનને એક વિકેટની જરુર હતી. બોલ રાશિદના હાથમાં હતો. સ્ટ્રાઈક પર જાડેજા હતો. ઓવરના પહેલા બોલ પર કોઈ રન ના બન્યો. રાશિદના બીજા બોલ પર જાડેજાએ ડીપ મિડવિકેટ પર જોરદાર હિટ લગાવીને ચોગ્ગો ફટકાર્યો. આ સાથે ભારતની આશા જીવંત બની. આગાલા બોલ પર જાડેજાએ એક રન લીધો. ખલીલ અહમદે પણ તરત ચોથા બોલ પર એક રન લીધો. હવે ભારતને 2 બોલમાં જીત માટે1 રનની જરુર હતી. 5માં બોલ પર જાડેજાએ હવામાં શોટ માર્યો અને જાદરાને કેચ પકડી લીધો. આમ મેચ ટાઈ થઈ.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.