આ વ્યક્તિએ 4 મહિના પહેલા IPLને લઈને કરી હતી ભવિષ્યવાણી, સાચી નીકળી!

મેચ પહેલા જ મોટાભાગના લોકો તેવું જાણવા માગે છે કે વિજેતા કોણ બનશે? પરંતુ જવાબ મેચ પૂરી થયા પછી જ મળે છે. જોકે, અનેક સમયે એવું થાય છે કે કેટલાકના તુક્કા લાગી જાય છે. ઘણાં લોકોએ તો 'દિલ્હી કેપિટલ' અને 'મુંબઇ ઈન્ડિયન્સ' વચ્ચે આઈપીએલ 2020 ફાઇનલ રમાશે તેવી આગાહી કરી છે. જોકે, ટ્રોફી તો કઈ ટીમ જીતી જશે એ તો મંગળવારે જ જાણી શકાશે. પરંતુ એક વ્યક્તિ છે જેણે 4 મહિના પહેલા આ આઈપીએલ વિશે ઘણી આગાહીઓ કરી હતી, જે સાચી સાબિત થઈ! હવે તેનું ટ્વીટ વાયરલ થઈ રહ્યું છે અને લોકો પૂછી રહ્યાં છે કે ભાઈ, શું કરામત કરી જેના કારણે તમારી વાત સાચી થઈ?


યૂઝર મિતુલે 27 જુલાઈના રોજ ટ્વીટ કર્યું હતું. તેણે ભવિષ્યવાણી કરી હતી કે આ વર્ષે 'ચેન્નાઈ સુપર કિંગ્સ' પ્લેઓફમાં નહીં પહોંચે. રાજસ્થાન રોયલ્સ છેલ્લા નંબર પર રહેશે. આઈપીએલ 2020માં વિરાટ કોહલીનું પ્રદર્શન એવરેજ જ રહેશે. દિલ્હી અને મુંબઈ સાથે પ્લેઓફમાં ત્રીજી ટીમ 'રોયલ ચેલેન્જર્સ બેંગલોર' પણ હશે.

તો દરેક જાણે છે કે ધોનીની ટીમ CSK આ વર્ષે સાતમા નંબર પર રહી છે. 'રાજસ્થાન રોયલ્સ' આ વર્ષના અંતે છેલ્લા નંબર પર રહી તો 'કિંગ્સ ઈલેવન પંજાબ' છઠ્ઠા નંબરે રહી છે. જ્યારે વિરાટ આ વર્ષે 466 રન સાથે સાતમા નંબર પર છે અને હા RCB પ્લેઓફ રમીને ચોથા નંબરે રહી છે.

જોકે, મિતુલની માત્ર એક જ ભવિષ્યવાણી ખોટી રહી, જે 'સનરાઈઝર્સ હૈદરાબાદ' આઈપીએલ ચેમ્પિયન બનવા અંગે હતી.


જોરદાર ટેલેન્ટ!