શુક્રવારે ચેન્નઈ અને દિલ્હી વચ્ચે ટક્કર, ધોનીના બેટિંગ ક્રમમાં ફેરફાર કરી શકે છે CSK

દુબઈ : ચેન્નઈ સુપર કિંગ્સ (CSK) શુક્રવારે આત્મવિશ્વાસથી ભરપૂર દિલ્હી કેપિટલ્સ વિરુદ્ધ ઈન્ડિયન પ્રીમિયર લીગની પોતાની ત્રીજી મેચ પહેલા બેટિંગ ક્રમમાં કેપ્ટન મહેન્દ્ર સિંહ ધોનીના સ્થાન પર વિચાર કરવા માગશે. શારજાહની બેટિંગને અનુરૂપ પિચ પર રાજસ્થાન રૉયલ્સ વિરુદ્ધ મળેલી હાર માટે CSKના સ્પિનર્સના ખરાબ પ્રદર્શન અને 20મી ઓવરને જવાબદાર ઠેરવી શકાય છે પરંતુ બેટ્સમેન પોતાને આનાથી દોષમુક્ત ન કરી શકે, ખાસ કરીને મુરલી વિજય, કેદાર જાધવ અને પોતે કેપ્ટન ધોની.

ધોની 7મા નંબરે બેટિંગ કરવા ઉતર્યો હતો. તેણે સેમ કરન, જાધવ અને ઋતુરાજ ગાયકવાડને પોતાની પહેલા બેટિંગમાં મોકલ્યા પણ આ રણનીતિ તેના માટે તદ્દન નિષ્ફળ રહી, જેનાથી ફાફ ડુ પ્લેસિસ પર ઓછા સમયમાં ઘણા બધા રન બનાવવાનું દબાણ વધી ગયું.

ધોનીના પ્રશંસક તેના છગ્ગા ફટકારવાની ક્ષમતાના દીવાના છે પણ નજીકથી જોવામાં આવે તો તે ફાસ્ટ બોલર્સ વિરુદ્ધ ઝડપથી રમી ન શક્યો અને જ્યારે મધ્યમ ગતિનો બોલર ટૉમ કરન બોલિંગ કરવા આવ્યો ત્યારે જ ધોની આક્રામક થઈ શક્યો.

દિલ્હી કેપિટલ્સ માટે શરૂઆતી મેચમાં જીતથી તેના ખેલાડીઓનો આત્મવિશ્વાસ ઘણો વધી ગયો છે, જોકે, રવિચન્દ્રન અશ્વિન ખભાની ઈજાને કારણે અનવલેબલ રહે તેવી આશંકાથી ટીમે પોતાની બોલિંગ લાઈન અપમાં ફેરફાર કરવો પડી શકે છે. જો, અશ્વિન નહીં રમી શકે તો સીનિયર સ્પિનર અમિત મિશ્રાને અક્ષર પટેલના જોડીદાર તરીકે ઉતારવાનો વિકલ્પ વિચારી શકાય છે.

મોટી બાઉન્ડ્રીની કારણે રિસ્ટ સ્પિનર્સને બોલને વધુ ફ્લાઈટ આપી આક્રમણ કરવામાં મદદ મળી શકે છે. એક અન્ય પાસું ફાસ્ટ બોલર મોહિત શર્માના પ્રદર્શનનું રહેશે. મોહિતે શરૂઆતમાં લોકેશ રાહુલને આઉટ કર્યો હતો પણ અંતમાં તેના લૂઝ બોલ્સને કારણે કેપિટલ્સ માટે પરિસ્થિતિ મુશ્કેલ થઈ ગઈ હતી. જોકે, કગિસો રબાડાએ અંતમાં ચુસ્ત બોલિંગ કરી.

ચેન્નઈ સુપર કિંગ્સ જેવી ટીમ છેલ્લી 10 ઓવરમાં આક્રામણ કરવાનું પસંદ કરે છે ત દિલ્હી હર્ષલ પટેલને અજમાવી શકે છે જે કોઈ સ્થાન પર એક બેટ્સમેન તરીકે પણ કામ આવી શકે છે કારણ કે, તે ડૉમેસ્ટિક ક્રિકટમાં ઈનિંગની શરૂઆત કરી ચૂક્યો છે. એનરિચ નોર્ટ્ઝે IPLની પોતાની પ્રથમ મેચમાં એટલો ખરાબ નહોતો રહ્યો પણ ડાબોડી ડેનિયલ સેમ્સ મુશ્કેલ એંગલથી બોલિંગ કરી શકે છે, જે બેટ્સમેનોને નાપસંદ હોય છે.

શિમરોન હેટમાયરને વધુ એક તક મળવાની શક્યતા છે, જો રિકી પોન્ટિંગ એલેક્સ કેરીના રૂપમાં થોડી સ્થિરતા લાવવા વિશે ન વિચારે તો. દિલ્હીની ટીમમાં પૃથ્વી શૉ, શિખર ધવન, રિષભ પંત, કેપ્ટન શ્રેયસ ઐયર અને ગત મેચનો હીરો માર્કસ સ્ટોઈનિસ જેવા બિગ હિટર છે જે પીષૂય ચાવલા અને રવિન્દ્ર જાડેજાને ચેલેન્જ આપવા માગશે.