IPL વિશે કાપતું બોલનારા પર ભડક્યાં સુનીલ ગાવસ્કર, આપ્યું મોટું નિવેદન

નવી દિલ્હી: દિગ્ગજ ભારતીય ક્રિકેટર સુનીલ ગાવસ્કરે ઈન્ડિયન પ્રીમિયર લીગની પ્રશંસા કરતા કહ્યું કે, ઘણા બધા લોકો છે જે આ સૌથી મોટી ક્રિકેટ લીગમાંથી પોતાની રોજી-રોટી કમાય છે. IPLની 13મી સિઝનનું આયોજન 19 સપ્ટેમ્બરથી UAEમાં શરૂ થશે. ગાવસ્કરે એક શોમાં IPL વિશે કાપતું બોલનારાઓ વિશે કહ્યું, 'આવા લોકો IPLમાં માત્ર પૈસા જ જુએ છે. તેઓ એ નથી જોતા કે IPL શું કરે છે. મારા વિચારમાં તેનું સૌથી મોટું કારણ એ છે કે, તેમને IPLથી ઈર્ષ્યા છે.'

તેમણે કહ્યું કે, 'જે લોકોને આઈપીએલથી કોઈ ફાયદો નથી મળતો તેઓ જ તેની આલોચના કરે છે.' તેણે કહ્યું, 'ઘણા બધા લોકો છે જેમની આજીવિકા IPLથી જ ચાલે છે. કોઈ મેચ દરમિયાન લોકોના ચહેરા પર પેઈન્ટ લગાવીને પોતાની રોજી-રોટી કમાય છે. સ્ટેડિયમની બહાર જે ટી-શર્ટ્સ વેચાય છે તે કોઈ તો બનાવે છે અથવા પછી તે વેન્ડર જે મેદાનની બહાર ફૂડ વેચે છે. તો IPLથી ઘણા બધા લોકો પૈસા કમાય છે.'

ગાવસ્કરે આની સાથે જ કહ્યું કે, IPL લોકો માટે એક સૉફ્ટ ટાર્ગેટ બની ગયું છે. પૂર્વ ભારતીય કેપ્ટને કહ્યું કે, 'જો કોઈ ઈન્ટરનેટ પર પોપ્યુલર થવા માગતું હોત તો તે IPLની ટિકા કરવા લાગે છે. IPL એક સૉફ્ટ ટાર્ગેટ બની ગયું છે.'

તેમણે આગળ કહ્યું કે - IPLનો વિરોધ કરનારા લોકો કહે છે કે, અમને ભારતીય ક્રિકેટની ચિંતા છે. તો શું માત્ર તમે જ છો જે ભારતીય ક્રિકેટ વિશે વિચારો છો અને તેનું ભલું ઈચ્છો છો, બિલકુલ નહીં.