IPL 2020: ધોની નહીં રવિન્દ્ર જાડેજા બન્યો CSKનો નવો ફિનિશર? 7 બોલમાં પલટી નાખી બાજી

ચેન્નઈ સુપરકિંગ્સ ભલે આઈપીએલ 2020માંથી બહાર થઈ ગઈ હોય. પરંતુ છેલ્લી બે મેચોથી તે આ સીઝનમાં સારી ક્રિકેટ રમી રહી છે. ગુરુવારે ચેન્નઈ સુપરકિંગ્સે કોલકાતા નાઈટ રાઈડર્સને 6 વિકેટે હરાવી દીધી. 173 રનના ટાર્ગેટનો પીછો કરતી ચેન્નઈ સુપરકિંગ્સે છેલ્લા બોલ પર મેચ જીતી. એક સમયે મેચમાં કોલકાતા નાઈટ રાઈડર્સ માટે જીત નિશ્ચિત દેખાઈ રહી હતી, પરંતુ જાડેજાએ માત્ર 7 બોલમાં 400ની સ્ટ્રાઈક રેટથી રન બનાવીને મેચ પલટી નાખી.

જાડેજાનું દમદાર પરફોર્મેન્સ
રવીન્દ્ર જાડેજા જ્યારે ક્રિઝ પર ઉતર્યો તે પહેલા ચેન્નઈ સુપરકિંગ્સે પોતાના સૌથી સેટ બેટ્સમેન ઋતુરાજ ગાયકવાડની વિકેટ ગુમાવી દીધી. ચેન્નઈને આ બાદ 15 બોલમાં 33 રનની જરૂર હતી. 18મી ઓવરમાં માત્ર 4 રન બન્યા અને આવી જ રીતે ચેન્નઈને 2 ઓવરમાં 30 રનની જરૂર હતી. ચેન્નઈને આ મેચ જીતવા માટે હિટિંગની સૌથી વધુ જરૂર હતી. જોકે સેમ કરણ સરખી રીતે બોલને હિટ નહોતો કરી શકતો, એવામાં જાડેજાએ ટીમને જીત અપાવીને સાહસ બતાવ્યો.

ફર્ગ્યુસનની ઓવરમાં 2 ચોગ્ગા અને 1 છગ્ગો
આઈપીએલના સૌથી ઝડપી બોલર્સમાંથી એક લોકી ફર્ગ્યુસનને કેકેઆરની ટીમ 19મી ઓવર આપવી હતી. તેણે પહેલા ત્રણ બોલમાં માત્ર 2 રન આપ્યા. આ બાદ જાડેજાએ ચોથા બોલ પર ચોગ્ગો માર્યો. ફર્ગ્યુસને આગલા બોલ નો બોલ ફેંક્યો, જેમાં જાડેજાએ 2 રન લીધા સાથે ફ્રી હિટ પર છગ્ગો માર્યો, તથા અંતિમ બોલમાં ચોગ્ગો ફટકારીને ઓવરમાં 20 રન બનાવી લીધા.

છેલ્લી ઓવરનો રોમાંચકેકેઆરે છેલ્લી ઓવર પોતાના યુવા બોલર કમલેશ નાગરકોટીને આપી. જેણે પહેલા 3 બોલમાં માત્ર 3 રન આપ્યા. આ બાદ જાડેજાએ પણ એક બોલ ખાલી કાઢ્યો. એવામાં કોલકાતા ફરીથી મેચમાં પાછી આવી ગઈ હતી, છેલ્લા બે બોલમાં ચેન્નઈને 7 રનની જરૂર હતી અને જાડેજાએ બંને બોલ પર છગ્ગા માર્યા અને ટીમને જીત અપાવી દીધી. જણાવી દઈએ કે જાડેજાએ પહેલા 4 બોલમાં માત્ર 3 રન કર્યા હતા અને આગલા 7 હોલમાં તેણે 28 રન બનાવી નાખ્યા. જાડેજાએ ઝડપથી 31 રન બનાવીને પોતાની ટીમને જીત અપાવી તથા પોતે સીએસકેનો મેચ ફિનિશર હોવાની પણ જાણકારી આપી.