બોલર્સના શાનદાર પ્રદર્શન બાદ રિદ્ધિમાન સહા અને મનીષ પાંડેની મહત્વની બેટિંગની મદદથી સનરાઈઝર્સ હૈદરાબાદે શનિવારે શારજાહમાં રમાયેલી મેચમાં રોયલ ચેલેન્જર્સ બેંગલોર સામે પાંચ વિકેટે વિજય નોંધાવ્યો છે. બેંગલોરની બેટિંગ નિરાશાજનક રહી હતી અને તેણે હૈદરાબાદ સામે 121 રનનો આસાન લક્ષ્યાંક મૂક્યો હતો. જેને હૈદરાબાદે 14.1 ઓવરમાં પાંચ વિકેટ ગુમાવીને પાર પાડ્યો હતો. આ વિજય સાથે હૈદરાબાદે પ્લેઓફમાં પહોંચવાની પોતાની આશા જીવંત રાખી છે. જ્યારે પરાજય છતાં બેંગલોર પોઈન્ટ ટેબલમાં બીજા ક્રમે યથાવત રહ્યું છે. હૈદરાબાદ 12 પોઈન્ટ સાથે ચોથા ક્રમે છે.
હૈદરાબાદ સામે 121 રનનો લક્ષ્યાંક હતો પરંતુ તેની શરૂઆત ખરાબ રહી હતી. 10 રનના સ્કોરે ટીમે સુકાની ઓપનર ડેવિડ વોર્નરની વિકેટ ગુમાવી દીધી હતી. વોર્નર 8 રન નોંધાવીને આઉટ થયો હતો. બાદમાં તેના સાથી ઓપનર રિદ્ધિમાન સહા અને મનીષ પાંડેએ બાજી સંભાળી હતી. આ જોડીએ અડધી સદીની ભાગીદારી નોંધાવી હતી. સહાએ 32 બોલમાં ચાર ચોગ્ગા અને એક સિક્સર સાથે 39 રનની ઈનિંગ્સ રમી હતી. જ્યારે પાંડેએ 19 બોલમાં 26 રન નોંધાવ્યા હતા જેમાં ત્રણ ચોગ્ગા અને એક સિક્સર સામેલ હતી.
જોકે, આ બંને આઉટ થયા બાદ ટીમે ઉપરા-ઉપરી બે વિકેટ ગુમાવી દીધી હતી. કેન વિલિયમ્સન અને અભિષેક શર્મા આઠ-આઠ રન નોંધાવીને આઉટ થયા હતા. પરંતુ જેસન હોલ્ડરે એક છેડો જાળવી રાખ્યો હતો અને ટીમને વિજય અપાવ્યો હતો. હોલ્ડરે 10 બોલમાં એક ચોગ્ગા અને ત્રણ સિક્સર સાથે અણનમ 26 રનની ઈનિંગ્સ રમી હતી. બેંગલોર માટે યુઝવેન્દ્ર ચહલે બે વિકેટ ઝડપી હતી. જ્યારે વોશિંગ્ટન સુંદર, નવદીપ સૈની અને ઈસુરુ ઉદાનાએ એક-એક વિકેટ ઝડપી હતી.
અગાઉ હૈદરાબાદે ટોસ જીતીને બેંગલોરને પ્રથમ બેટિંગનું આમંત્રણ આપ્યું હતું. જોકે, બેંગલોરની શરૂઆત સારી રહી ન હતી. 28 રનના સ્કોરે ટીમે તેની બે વિકેટ ગુમાવી દીધી હતી. દેવદત્ત પડિક્કલ પાંચ અને કેપ્ટન વિરાટ કોહલી સાત રન નોંધાવીને પેવેલિયન ભેગા થઈ ગયા હતા. જોકે, જોશ ફિલિપ અને એબી ડી વિલિયર્સે બાજી સંભાળવાનો પ્રયાસ કર્યો હતો પરંતુ બંને બેટ્સમેન સેટ થઈ ગયા બાદ આઉટ થઈ ગયા હતા.
ફિલિપે 31 બોલમાં ચાર ચોગ્ગાની મદદથી 32 રન નોંધાવ્યા હતા જ્યારે ડી વિલિયર્સે 24 બોલમાં એક ચોગ્ગા અને એક સિક્સર સાથે 24 રનની ઈનિંગ્સ રમી હતી. આ ઉપરાંત વોશિંગ્ટન સુંદરે પણ 21 રનનું યોગદાન આપ્યું હતું. બેંગલોરનો કોઈ બેટ્સમેન મોટી ઈનિંગ્સ રમી શક્યો ન હતો. ગુરકીરાટ સિંહ માને15 રનનું યોગદાન આપ્યું હતું. હૈદરાબાદ તરફથી સંદીપ શર્મા અને જેસન હોલ્ડરે બે-બે વિકેટ ઝડપી હતી જ્યારે નટરાજન, શાહબાઝ નદીમ અને રાશિદ ખાનને એક-એક સફળતા મળી હતી.
હૈદરાબાદ સામે 121 રનનો લક્ષ્યાંક હતો પરંતુ તેની શરૂઆત ખરાબ રહી હતી. 10 રનના સ્કોરે ટીમે સુકાની ઓપનર ડેવિડ વોર્નરની વિકેટ ગુમાવી દીધી હતી. વોર્નર 8 રન નોંધાવીને આઉટ થયો હતો. બાદમાં તેના સાથી ઓપનર રિદ્ધિમાન સહા અને મનીષ પાંડેએ બાજી સંભાળી હતી. આ જોડીએ અડધી સદીની ભાગીદારી નોંધાવી હતી. સહાએ 32 બોલમાં ચાર ચોગ્ગા અને એક સિક્સર સાથે 39 રનની ઈનિંગ્સ રમી હતી. જ્યારે પાંડેએ 19 બોલમાં 26 રન નોંધાવ્યા હતા જેમાં ત્રણ ચોગ્ગા અને એક સિક્સર સામેલ હતી.
જોકે, આ બંને આઉટ થયા બાદ ટીમે ઉપરા-ઉપરી બે વિકેટ ગુમાવી દીધી હતી. કેન વિલિયમ્સન અને અભિષેક શર્મા આઠ-આઠ રન નોંધાવીને આઉટ થયા હતા. પરંતુ જેસન હોલ્ડરે એક છેડો જાળવી રાખ્યો હતો અને ટીમને વિજય અપાવ્યો હતો. હોલ્ડરે 10 બોલમાં એક ચોગ્ગા અને ત્રણ સિક્સર સાથે અણનમ 26 રનની ઈનિંગ્સ રમી હતી. બેંગલોર માટે યુઝવેન્દ્ર ચહલે બે વિકેટ ઝડપી હતી. જ્યારે વોશિંગ્ટન સુંદર, નવદીપ સૈની અને ઈસુરુ ઉદાનાએ એક-એક વિકેટ ઝડપી હતી.
અગાઉ હૈદરાબાદે ટોસ જીતીને બેંગલોરને પ્રથમ બેટિંગનું આમંત્રણ આપ્યું હતું. જોકે, બેંગલોરની શરૂઆત સારી રહી ન હતી. 28 રનના સ્કોરે ટીમે તેની બે વિકેટ ગુમાવી દીધી હતી. દેવદત્ત પડિક્કલ પાંચ અને કેપ્ટન વિરાટ કોહલી સાત રન નોંધાવીને પેવેલિયન ભેગા થઈ ગયા હતા. જોકે, જોશ ફિલિપ અને એબી ડી વિલિયર્સે બાજી સંભાળવાનો પ્રયાસ કર્યો હતો પરંતુ બંને બેટ્સમેન સેટ થઈ ગયા બાદ આઉટ થઈ ગયા હતા.
ફિલિપે 31 બોલમાં ચાર ચોગ્ગાની મદદથી 32 રન નોંધાવ્યા હતા જ્યારે ડી વિલિયર્સે 24 બોલમાં એક ચોગ્ગા અને એક સિક્સર સાથે 24 રનની ઈનિંગ્સ રમી હતી. આ ઉપરાંત વોશિંગ્ટન સુંદરે પણ 21 રનનું યોગદાન આપ્યું હતું. બેંગલોરનો કોઈ બેટ્સમેન મોટી ઈનિંગ્સ રમી શક્યો ન હતો. ગુરકીરાટ સિંહ માને15 રનનું યોગદાન આપ્યું હતું. હૈદરાબાદ તરફથી સંદીપ શર્મા અને જેસન હોલ્ડરે બે-બે વિકેટ ઝડપી હતી જ્યારે નટરાજન, શાહબાઝ નદીમ અને રાશિદ ખાનને એક-એક સફળતા મળી હતી.