Jadeja Was Unfit To Play In Perth But Could Be In Playing Xi At Melbourne
Ind Vs Aus: પર્થ ટેસ્ટમાં આ ખેલાડીને ન રમાડવા પર શાસ્ત્રીની સ્પષ્ટતા
I am Gujarat23 Dec 2018, 7:25 pm
ન મળ્યો આ સ્પિનરને ચાન્સ
મેલબોર્નઃ ભારતીય ક્રિકેટ ટીમના મુખ્ય કોચ રવિ શાસ્ત્રીએ રવિવારે ખુલાસો કરતા કહ્યું હતું કે, પર્થ ટેસ્ટમાં સ્પિનર ખેલાડી રવિન્દ્ર જાડેજાને રમવાની તક આપવામાં આવી ન હતી. એક તરફ ટેસ્ટ જીતવાનું ભારતીય ક્રિકેટ ટીમનું લક્ષ્યાંક છે ત્યારે એવામાં સ્પિનરની ખોટ વર્તાઈ હતી. પર્થના બીજા ટેસ્ટમાં રવિન્દ્ર જાડેજાની પસંદગી મુખ્ય 13 ખેલાડીઓમાં કરવામાં આવી હતી. રવિવારે મુખ્ય કોચ રવિ શાસ્ત્રીએ આ અંગે પત્રકાર પરિષદ કરીને સ્પષ્ટતા કરી હતી. અમારા ન્યૂઝ WhatsApp પર મેળવવા માટે અહીં ક્લિક કરો
આ છે ન રમવા દેવાનું કારણ
રણજી ટ્રોફી વખતે રવીન્દ્ર જાડેજાના ખભા જકડાઈ ગયા હતા. આ જ કારણે તે પર્થ ટેસ્ટમાં રમાડવામાં આવ્યો ન હતો. ઓસ્ટ્રેલિયા પહોંચ્યાના ચાર દિવસ બાદ તેણે આ દુખાવાના ઈલાજ માટે પણ ઈન્જેક્શન લીધા હતા. જાડેજા પર્થ ટેસ્ટ માટે ફીટ નથી. રણજી ટ્રોફી વખતે પણ તે ફીટ ન હતો. રવિ શસ્ત્રીએ ઉમેર્યું હતું કે, રવિન્દ્ર જાડેજાને ફીટ થતા થોડો સમય લાગશે. જ્યારે તે ભારતમાં હતો ત્યારે પણ તેના ખભામાં દર્દ હતું તેમ છતાં તે ડોમેસ્ટિક મેચ રમ્યો હતો. ઓસ્ટ્રેલિયા આવ્યા બાદ પણ તેને આ દુખાવો થયો હતો. જેના ઈલાજ રૂપે તેને ઈન્જેક્શન આપવામાં આવ્યા હતા. જોકે, આ સ્પષ્ટતા પર કોચ સામે સવાલ થયા હતા કે, રવિન્દ્ર જાડેજા 100 % ફિટ ન હતો તો શા માટે તેને ઓસ્ટ્રેલિયાના પ્રવાસે લાવવામાં આવ્યો ?
ફીટ થતા લાંબો સમય લાગી શકે
કોચે કહ્યું કે, જાડેજા ફીટ થતા લાંબો સમય લાગી શકે છે. અમે તેની પૂરતી તકેદારીઓ રાખી રહ્યા છીએ. 5 કે 10 ઓવર ફેંક્યા બાદ કોઈ બોલર ગેમમાંથી બાહર થઈ જાય એ યોગ્ય નથી. ભારતીય સ્પિનરો પર ટેસ્ટ મેચનો એક મહત્ત્વનો આધાર હોય છે. જોકે, પર્થ ટેસ્ટ વખતે પણ તે 80 ટકા ફીટ હતો પણ ટીમ કોઈ પ્રકારનું તેના પર જોખમ લેવા માગતી ન હતી. આગામી મેચ વખતે જો તે બરોબર ફિટ હશે તો તેને ચાન્સ આપવામાં આવશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.