'જ્યારે પૈસાના અભાવે દીકરાને જૂતા ન અપાવી શકી', બુમરાહની માતાના ચોંકાવનારા ખુલાસા

ભારતીય ક્રિકેટ ટીમનો ઝડપી બોલર જસપ્રીત બુમરાહ અને તેની માતા દલજીત એક વિડીયોમાં શરૂઆતના દિવસોમાં આવનારી મુશ્કેલીઓ વિશે જણાવી રહ્યા છે. મુંબઈ ઈન્ડિયન્સે પોતાના ટ્વીટર પર આ વિડીયો પોસ્ટ કર્યો છે. જેમાં બુમરાહની માતા કહી રહી છે કે, જ્યારે જસપ્રીત પાંચ વર્ષનો હતો, ત્યારે મેં મારા પતિને ગુમાવી દીધા.’ બુમરાહ કહે છે, મારી પાસે માત્ર એક જૂતાની જોડી અને ટી-શર્ટ સિવાય કશું જ નહોતું. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: બુમરાહ આગળ કહે છે, હું હંમેશા તેને ધોઈને ફરીથી તે જ ટી-શર્ટ પહેરતો. એક બાળક તરીકે તમે ઘણીવાર એવી સ્ટોરી સાંભળો છો કે કેટલાક લોકો તમને રમતા જુએ છે અને તમારું સિલેક્શન થઈ જાય છે. પરંતુ મારા માટે આ સપનું હકીકત બની ગયું. સ્ટ્રગલના દિવસો વિશે વાત કરતા ભાવુક થઈને દલજીત જણાવે છે કે, બુમરાહ જ્યારે નાનો હતો ત્યારે તેને શૂઝ અપાવવા માટે શો રૂમમાં ગયા હતા, પરંતુ આ શૂઝ વધારે મોંઘા હતા. અમારી પાસે પૈસા ઓછા હતા અને અમે તે શૂઝ ન લઈ શક્યા. ત્યારે જસપ્રીતે મને કહ્યું હતું, એક દિવસ હું આ જૂતા ખરીદીશ અને આજે હકીકતમાં તેની પાસે ઘણા બધા જૂતા છે. દલજીત આગળ કહે છે કે પહેલીવાર જસપ્રીતને આઈપીએલમાં રમતા જોઈને હું પોતાના આંસુ નહોતી રોકી શકી. તેણે મને આર્થિક અને શારિરીક રૂપે પણ સંઘર્ષ કરતા જોઈ છે. બુમરાહ કહે છે કે બાળપણમાં મુશ્કેલીઓનો સામનો કરીને તે મજબૂત થયો છે. તેણે કહ્યું, તે બધા સંઘર્ષના દિવસો તમને મજબૂત બનાવે છે, કારણ કે તમે મુશ્કેલ દિવસો જોયા છે. હકીકતમાં થોડા દિવસો અગાઉ રિલાયન્સ ફાઉન્ડેશનના અધ્યક્ષ નીતા અંબાણી લંડનમાં આયોજિત સ્પોર્ટ્સ સમિટમાં જસપ્રીત બુમરાહની સ્ટોરી શેર કરી હતી. બુમરાહ મુંબઈ ઈન્ડિયન્સમાંથી બહાર આવ્યો છે અને 2013માં તે ટીમનો હિસ્સો હતો.