બે અઠવાડિયા સેલ્ફ આઈસોલેશનમાં રહ્યો
કરુણ બે અઠવાડિયા સુધી સેલ્ફ આઈસોલેશનમાં રહ્યો. આ બાદ તે ટેસ્ટમાં નેગેટિવ આવ્યો. નાયરને હવે ત્રણ ટેસ્ટમાંથી પસાર થવું પડશે. કિંગ્સ ઈલેવનના ટીમ મેનેજમેન્ટ યુએઈ જતા પહેલા આ પ્રોટોકોલ નક્કી કર્યા છે. તેનાથી તમામ ખેલાડીઓ અને સપોર્ટ સ્ટાફને ત્રણ વખત કોરોના ટેસ્ટ કરાવવો પડશે. માત્ર તે જ ખેલાડીઓ 20 ઓગસ્ટે યુએઈ જશે જે કોરોના ટેસ્ટમાં પાસ થશે. રિપોર્ટ મુજબ, નાયર બેંગલુરુથી એક ચાર્ટર ફ્લાઈટમાં કેટલાક લોકો સાથે બેસીને દિલ્હી જશે અને પછી ત્યાંથી તેની સાથે અન્ય ખેલાડીઓ જોડાશે.
IPL સાથે જોડાયેલો બીજો કોરોના સંક્રમિત સદસ્ય
IPL સાથે જોડાયેલા કરુણ નાયર બીજો સદસ્ય છે જેને કોરોનાનું સંક્રમણ થયું. બુધવારે રાજસ્થાન રોયલ્સના ફિલ્ડીંગ કોચ દિશાંત યાજ્ઞિક પણ કોરોના પોઝિટિવ મળી આવ્યા હતા. કરુણ નાયરે કિંગ્સ ઈલેવન પંજાબ માટે 14 મેચો રમી છે, જેમાં તેણે 306 રન બનાવ્યા છે. આ દરમિયાન તેણે બે હાફ સેન્ચુરી ફટકારી હતી. જ્યારે તેની સ્ટ્રાઈક રેટ 134.80ની રહી છે.
ટીમના દરેક સદસ્યોના ત્રણ ટેસ્ટ થશે
IPLએ ખેલાડીઓ અને સપોર્ટ સ્ટાફ માટે લાંબી ટેસ્ટ પ્રક્રિયા બનાવી છે. તેમાં ત્રણ વખત કોરોના ટેસ્ટ, યુએઈમાં એક અઠવાડિયાની લાંબી ક્વોરન્ટાઈન પ્રોસેસ પૂરી કર્યા બાદ જ ટીમો ટ્રેનિંગ શરૂ કરી શકે છે. આ સાથે જ સ્થાનિક સરકારના નિયમો અનુસાર યુએઈમાં આવનારા તમામ બહારના નાગરિક પાસે ઓછામાં ઓછા 96 કલાક પહેલાનો કોરોના નેગેટિવ રિપોર્ટ હોવો જોઈએ.
UAEમાં રમાશે આ IPLની સીઝન
નાયર પહેલો હાઈ-પ્રોફાઈલ ભારતીય ક્રિકેટર હતો, જે કોરોના સંક્રમિત થયો હતો. આ વૈશ્વિક મહામારીની ભારતમાં વધારે અસર જોવા મળી છે. અને સંક્રમિત લોકોની સંખ્યા 23 લાખથી વધારે થઈ ચૂકી છે. આ અમેરિકા અને બ્રાઝિલ બાદ સૌથી વધારે છે. મહામારીના કારણે બીસીસીઆઈને IPLની આ સીઝન યુએઈમાં શિફ્ટ કરવી પડી.