વેસ્ટ ઈન્ડિઝના રહકીમ કોર્નવાલ નામના આ ક્રિકેટરને ઈન્ટરનેશનલ ક્રિકેટ ટીમમાં સામેલ કરવામાં આવ્યો છે. તેની ઉંમર 26 વર્ષ અને હાઈટ 6.6 ફૂટ છે. 140 કિલોગ્રામ ધરાવતા આ ક્રિકેટરને ફિટનેસના કારણે અગાઉ ક્યારેય ઈન્ટરનેશનલ ક્રિકેટમાં સામેલ કરવામાં નહોતો આવ્યો. પણ, હવે સામેલ કરવામાં આવ્યો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો બેટિંગ અને બોલિંગ એમ બંનેમાં સારું પ્રદર્શન કરનાર રહીમ કોર્નવાલે ફર્સ્ટ ક્લાસ ક્રિકેટમાં 53 મેચમાં કુલ 2101 રન બનાવ્યા છે અને આ દરમિયાન 256 વિકેટ પણ ઝડપી છે. રહકીમ કોર્નવાલ તેના વજનના કારણે હંમેશાં ચર્ચામાં રહે છે અને તેના ભારે વજનના કારણે લોકો તેને માઉન્ટેનમેન કહીને બોલાવે છે. ગત વર્ષે એન્ટિગા ઓબ્ઝર્વરને આપેલા ઈન્ટરવ્યૂમાં રહકીમ કોર્નવાલે કહ્યું હતું કે મારી વધારે સાઈઝના કારણે લોકો મને નબળો સમજે છે. પરંતુ, મારી ઊંચાઈના કારણે હું સારી બોલિંગ અને સ્પિન કરી શકું છું. વજન ઉતારવું મારા સ્વાસ્થ્ય માટે સારું રહેશે પરંતુ, અત્યારે હું જેવો છું તેવો ખુશ છું.
જાણો, 140 કિલોગ્રામ વજન ધરાવતા આ ક્રિકેટર વિશે
I am Gujarat 23 Aug 2019, 5:04 pm