ધોની બન્યો એશિયાનો સૌથી મોટો વિકેટકીપર, બનાવ્યો આવો રેકોર્ડ

I am Gujarat

ઈન્ટરનેશનલ ક્રિકેટમાં ધોનીના 800 શિકાર પૂરા

37 વર્ષના વિકેટકીપર મહેન્દ્ર સિંહ ધોનીએ ઈન્ટરનેશનલ ક્રિકેટમાં 800 શિકાર કરવાના આંકડાએ પહોંચી ગયો છે. બાંગ્લાદેશ વિરુદ્ધ એશિયા કપ ફાઈનલમાં ધોનીને આ આંકડા સુધી પહોંચવા માટે બે શિકારની જરૂર હતી. સ્ટમ્પની પાછળ ધોનીએ ચતુરતા સાથે પોતાનું પહેલું લક્ષ્ય મેળવી લીધું.

એશિયા કપની ફાઈનલમાં મેળવી સિદ્ધિ

શુક્રવારે તેણે દુબઈ ઈન્ટરનેશનલ ક્રિકેટ સ્ટેડિયમમાં બાંગ્લાગેશી કેપ્ટન મુશરફે મોર્તાઝાને સ્ટમ્પિંગ કરીને 800મો શિકાર પૂરો કર્યો. આ પહેલા તેણે સદી કરનાર લિટન દાસને સ્ટમ્પિંગ કરી આઉટ કર્યો. બંને જ વખતે કુલદીપ યાદવની બોલિંગમાં સ્ટમ્પિંગ કરી.

ધોનીએ તોડ્યો સંગાકારનો રેકોર્ડ

ધોની 800 શિકાર કરનારો વિશ્વનો ત્રીજો અને ભારતનો પહેલો વિકેટ કીપર બની ગયો છે. આટલું જ નહીં તે અશિયાનો પહેલો વિકેટકીપર છે, જેણે આ કારનામું કર્યું છે. શ્રીલંકાએ કુમાર સંગાકારાના નામે 678 શિકાર છે. ધોનીએ અત્યાર સુધી ટેસ્ટમાં 256 કેચ અને 38 સ્ટમ્પિંગ, વન-ડેમાં 306 કેચ અને 113 સ્ટમ્પિંગ અને ટી-20 ઈન્ટરનેશનલમાં 54 કેચ અને 33 સ્ટમ્પિંગ કર્યા છે.

ઈન્ટરનેશનલ ક્રિકેટમાં સૌથી વધારે શિકાર

ઈન્ટરનેશનલ ક્રિકેટમાં ટેસ્ટ, વન-ડે અને ટી-20માં સૌથી વધારે શિકાર મામલે સાઉથ આફ્રિકન વિકેટકીપર માર્ક બાઉચર 998 શિકાર સાથે પહેલા ક્રમે છે. આ પછી ઓસ્ટ્રેલિન દિગ્ગજ વિકેટકીપર એડમ ગિલક્રિસ્ટ 905 શિકાર સાથે બીજા નંબરે છે.