એપશહેર

મેચ દરમિયાન કોહલી એવું તો શું બોલ્યો કે પોલાર્ડે કહી દીધું- 'આઈ લવ યુ વિરાટ'

Yogesh Gajjar | I am Gujarat 23 Dec 2019, 1:31 pm
ભારતે રવિવારે કટકના બારાબતી સ્ટેડિયમમાં રમાયેલી ત્રીજી અને નિર્ણાયક વન-ડે મેચમાં વેસ્ટ ઈન્ડીઝને 4 વિકેટે હરાવ્યું. આ સાથે જ તેણે વન-ડે સીરિઝને 2-1થી પોતાના નામે કરી લીધી. ભારત તરફથી કેપ્ટન વિરાટ કોહલીએ શાનદાર 85 રનની ઈનિંગ્સ રમી. જ્યારે ઓપનર રોહિત શર્મા અને કે.એલ રાહુલે ક્રમશઃ 63 અને 77 રનની ઈનિંગ્સ રમી. શાર્દુલ ઠાકુરે અને રવિન્દ્ર જાડેજાએ અણનમ રહીને ટીમને જીત અપાવી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આ નિર્ણાયક મેચ દરમિયાન એક ફની ઘટના જોવા મળી. વેસ્ટ ઈન્ડીઝની ઈનિંગ્સ દરમિયાન કેરોન પોલાર્ડ બેટિંગ કરી રહ્યો હતો, ત્યારે વિરાટ કોહલીએ તેને ઉશ્કેરવા માટે કેટલાક શબ્દો કહ્યા. કોહલીએ પોલાર્ડના ડિફેન્સ કરવા પર કહ્યું, ‘સ્લોગ કરો, ડિફેન્ડ કેમ કરી રહ્યો છે.’ તેના પર પોલાર્ડે કંઈક જવાબ આપ્યો. એકવાર ફરી વિરાટે કંઈક કીધું તો પોલાર્ડે હસીને જવાબ આપ્યો, ‘આઈ લવ યુ વિરાટ.’ પોલાર્ડે આ મેચમાં શાનદાર અણનમ 74 રનની ઈનિંગ્સ રમી. પોલાર્ડના આ નિરુત્તર કરનારા જવાબની કોમેન્ટ્રી બોક્સમાં ખૂબ ચર્ચા થઈ. તે બંને કેપ્ટન વચ્ચેની વાતચીતનો વિડીયો બતાવીને કહેતા જોવા મળ્યા કે મેદાન પર આ પ્રકારની ચર્ચા થઈ જોઈએ, પરંતુ સાથે જરૂરી છે કે જે અંદાજમાં પોલાર્ડે વાતચીત ખતમ કરી તે શાનદાર રહ્યું. ઉલ્લેખનીય છે કે વિરાટના ઉશ્કેર્યા બાદ જ પોલાર્ડે પોતાની ઈનિંગ્સમાં 7 છગ્ગા માર્યા.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો