પિતા રસ્તે પુત્રઃ રાહુલ દ્રવિડના પુત્ર સમિતે ફટકારી બેવડી સદી

નવી દિલ્હીઃ ટીમ ઈન્ડિયાના પૂર્વ કેપ્ટન અને બેટ્સમેન ‘ધ વોલ’ રાહુલ દ્રવિડના પુત્ર સમિત દ્રવિડ પણ હવે પિતાની જેમ બેટિંગ કરતા શીખી ગયો છે. દ્રવિડ જૂનિયર હજુ 14 વર્ષનો છે. હાલમાં તે કર્ણાટક સ્ટેટ ક્રિકેટ એસોસિએશનની જૂનિયર લીગમાં રમી રહ્યો છે. આ લીગમાં રમાયેલી એક મેચમાંની બે ઈનિંગમાં સમિત દ્રવિડે 295 (201 અને 94*) રન બનાવ્યા છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો રાઈટ હેન્ડેડ બેટ્સમેન સમિત દ્રવિડ કર્ણાટક ક્રિકેટ એસોસિએશનમાં વાઈસ પ્રેસિડેન્ટની ટીમ તરફથી રમી રહ્યો છે અને તેમની ટીમની મેચ ધારવાડ ઝોન સામે હતી. જેમાં પહેલી ઈનિંગમાં સમિતે બેવડી સદી ફટકારી હતી. સ્કોરબોર્ડ પર નજર નાખવામાં આવે તો સમિત દ્રવિડની આ ઈનિંગ પિતા રાહુલ દ્રવિડનો અંદાજ જોવા મળી રહ્યો છે. સમિતે 201 રન બનાવવા માટે 250 બોલનો સામનો કર્યો, જેમાં 22 ફોરનો સમાવેશ થાય છે. બીજી ઈનિંગમાં પણ સમિતે 94 રનની નોટઆઉટ ઈનિંગ રમી હતી. એટલું જ નહીં સમિતે બોલિંગમાં પોતાની ટીમ માટે 26 રન આપીને 3 વિકેટટ પોતાના નામે કરી હતી. વિરોધી ટીમ માત્ર 124 રનમાં ઓલઆઉટ થઈ ગઈ હતી. સમિતની બેવડી સદીની મદદથી તેની ટીમે પહેલી ઈનિંગમાં 7 વિકેટે 372 રન અને બીજી ઈનિંગમાં એક વિકેટ ગુમાવી 36 ઓવરમાં 180 રન બનાવ્યા હતા.