એપશહેર

રાતના હતો 102 ડિગ્રી તાવ, સવારે મેદાન પર ટ્રિપલ સેન્ચ્યુરી ફટકારી

Mitesh Purohit | I am Gujarat 23 Jan 2020, 9:20 am
મુંબઈઃ વાનખેડે સ્ટેડિયમમાં રમાઈ રહેલી રણજી ટ્રોફીમાં યુપી વિરુદ્ધ મેચ પૂરો થયા બાદ મુંબઈના બેટ્સમેન સરફરાજે ખુલાસો કર્યો કે તેને આગલે દિવસે 102 ડિગ્રી તાવ હતો. તેમ છતા બીજા દિવસે તેણે સહેવાગની સ્ટાઇલમાં ધમાકેદાર બેટિંગ કરતા ટ્રિપલ સદી ફટકારી હતી. તેણે કહ્યું કે, ‘2-3 દિવસથી મારી તબીયત ખરાબ હતી. તેમ છતા મને લાગ્યું કે જો હું ક્રિઝની એકબાજુએ ટકી રહીશ તો મેચનું પલડુ અમારી તરફ નમી શકે છે. બીજા દિવસની તુલનામાં ત્રીજા દિવસે પહેલા તબીયત સારી હતી જોકે બપોર બાદ મને તાવની શરુઆત થઈ હતી. પરંતુ મે હાર ન માની અને ટીમ માટે મેદાન પર ટક્યો રહ્યો.’ હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: વાનખેડે સ્ટેડિયમમાં ટ્રિપલ સદી મારવા અંગે પૂછતા સરફરાઝે કહ્યું કે, ‘બાજુમાં જ આઝાદ મેદાન છે જ્યાં મે મારી અડધી જીંદગી ક્રિકેટ રમીને પસાર કરી છે. હું જ્યારે પણ વાનખેડે સ્ટેડિયમને જોતો ત્યારે વિચારતો હતો કે એક દિવસ આ મેદાન પર લોકો મારું નામ લઈને પણ ચીચીયારીઓ પાડશે અને આજે એ દિવસ આવી ગયો છે.’ રણજી ટ્રોફીમાં છઠ્ઠા નંબરે રમતા કોઈ ક્રિકેટરે અત્યાર સુધીમાં ફક્ત ત્રણવાર તેવડી સદી ફટકારી છે. રણજી ટ્રોફીના ઇતિહાસમાં કરુણ નાયર બાદ છઠ્ઠા નંબરે બેટિંગ કરતા ટ્રિપલ સેન્ચ્યુરી ફટકારનાર સરફરાઝ બીજા બેટ્સમેન છે. આ પહેલા મુંબઈ માટે ટ્રિપલ સેન્ચ્યુરી ફટકારનાર દિગ્ગજ બેટ્સમેન રોહિત શર્મા હતા. રણજી ટ્રોફીમાં ટ્રિપલ સેન્ચ્યુરી બનાવનાર મુંબઈના 8માં બેટ્સમેન બન્યા છે સરફરાઝ. તેમણે વાનખેડે સ્ટેડિયમ પર 301 નોટઆઉટ ઇનિંગ રમી છે. આ મેદાન પર 1991 બાદ પહેલીવાર કોઈ બેટ્સમેને મુંબઈ માટે રમતા ટ્રિપલ સેન્ચ્યુરી ફટકારી છે. આ મેદાન પર મુંબઈ માટે ટ્રિપલ સેન્ચ્યુરી ફટકારનાર બેટ્સમેન સંજય માંજરેકર હતા. જેમણે હૈદરાબાદ વિરુદ્ધ સેમીફાઈનલ મેચમાં 377 રની કેમ્પ્ટનશિપ ઇનિંગ રમી હતી.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો