સ્મિથ-વોર્નર બેનઃ તેંડુલકરે આપી આવી પ્રતિક્રિયા

મહાન બેટ્સમેન સચિન તેંડુલકરનું માનવું છે કે સાઉથ આફ્રિકા સામે કેપ ટાઉનમાં ત્રીજી ટેસ્ટમાં બોલ સાથે છેડછાડના મામલે દોષી સાબિત થવા પર ઓસ્ટ્રેલિયન ટીમના કેપ્ટન સ્ટીવ સ્મિથ અને વાઈસ કેપ્ટન ડેવિડ વોર્નર પર 1 વર્ષનો પ્રતિબંધ લગાવીને ક્રિકેટ ઓસ્ટ્રેલિયાએ સાચો નિર્ણય લીધો છે. સ્મિથ અને વોર્નરના આઈપીએલમાં રમવા પર પ્રતિબંધ લગાવાયો છે. જ્યારે યુવા બેટ્સમેન બેનક્રોફ્ટને 9 મહિના માટે બેન કરી દેવાયો છે. આ પહેલા આઈસીસીએ સ્મિથને એક મેચ માટે પ્રતિબંધિત કર્યો હતો અને તેના પર મેચ ફિસના 100 ટકા દંડ કર્યો હતો. તેંડુલકરે પોતાના ટ્વિટર પેજ પર લખ્યું, ‘ક્રિકેટને જેન્ટલમેન ગેમ રૂપે માનવામાં આવે છે. આ એવી રમત છે, જેના વિશે મારું માનવું છે કે તેને સાચી રીતે રમવી જોઈએ. જે થયું તે દુર્ભાગ્યપૂર્ણ છે, પરંતુ રમતની અખંડિડતાને બચાવી રાખવા માટે આ યોગ્ય નિર્ણય છે. જીતવું મહત્વપૂર્ણ છે પરંતુ વધારે મહત્વપૂર્ણ છે તમે કેવી રીતે જીતો છો.’ સચિન તેંડુલકર ઉપરાંત ક્રિકેટના ઘણા દિગ્ગજોએ બોલ સાથે છેડછાડની આ ઘટના પર દુઃખ વ્યક્ત કર્યું છે. દિગ્ગ્જ લેગ સ્પિનર શેન વોર્ને લખ્યું કે, આ મામલામાં ભાવનાઓથી હટીને નિર્ણય કરવો જોઈએ. આપણે બધા આ હરકત પર ગુસ્સે અને શરમ અનુભવી રહ્યા છીએ. જોકે વોર્ને ટેમ્પરિંગમાં દોષી સાબિત થયેલા ત્રણેય ખેલાડીઓને આટલી મોટી સજાના પક્ષમાં નથી. આ લેગ સ્પિનરને લખ્યું, આપણે કોઈને બર્બાદ ન કરવો જોઈએ. તેની આ હરકતનો બચાવ નથી કરી શકાતો અને તેને ઘણા સ્તર પર સજા મળવી જોઈએ. પરંતુ હું નથી માનતો કે આ પ્લેયર્સને 1 વર્ષ માટે બેન કરવાનો નિર્ણય યોગ્ય છે. જણાવી દઈએ કે 2001માં ભારતીય ટીમના સાઉથ આફ્રિકા પવાસ પર સચિન ટેંડુલકર પર પણ બોલ ટેમ્પરિંગનો આરોપ લાગ્યો હતો. ત્યારે પોર્ટ એલિઝાબેથ ટેસ્ટમાં સચિન પર બોલ ટેમ્પરિંગનો આરોપ લાગ્યો હતો. મેચ રેફરી માઈક ડેનિસે સચિનની વાત માનવા માટે તૈયાર નહોતા. ત્યારે ટેંડુલકરે પોતાના જવાબમાં બોલ પરથી માટી દૂર કરી રહ્યા હતા. પોતાના સ્ટાર ખેલાડીને બચાવવા માટે તે સમયે બોર્ડના અધ્યક્ષ જગમોહન દાલમિયાનએ દરમિયાનગીરિ કરી હતી.