નવી દિલ્હી- ભારતીય ક્રિકેટ ટીમ દુનિયાના કોઈ પણ ખુણામાં રમે, સુધીર કુમાર તેમને ચીયર કરવા પહોંચી જાય છે. સચિન તેંડુલકરના આ જબરા ફેનના દરેક વિદેશ પ્રવાસ માટે સચિન તેમની મદદ કરે છે, પરંતુ ભારત અને પાકિસ્તાન વચ્ચે એશિયા કપમાં 19 તારીખે થનારી મેચ જોવા માટે સુધીર પોતાની બાઈક વેચીને દુબઈ જશે.
જાતે કરશે ખર્ચો
એવુ નથી કે સચિને સુધીરના વિદેશ પ્રવાસનો ખર્ચો ઉઠાવવાથી ઈનકાર કરી દીધો છે, પરંતુ સુધીર પોતે આત્મનિર્ભર થવા માંગે છે. તેમણે અમારા સહયોગી નવભારત ટાઈમ્સને જણાવ્યું કે, હું જ્યારે પણ સચિન સર પાસે મદદ માંગુ છુ તે મદદ કરવા તૈયાર હોય છે, પરંતુ મને હવે તેમની પાસે અવારનવાર મદદ માંગવી એ સારુ નથી લાગતું. તે વધારે પડતો સમય લંડન જ રહે છે.
બાઈક વેચી કાઢી
સુધીર જણાવે છે કે, તે ફેમિલી સાથે વેકેશન પર હોય, ત્યારે તેમને ડિસ્ટર્બ કરવા યોગ્ય નથી. એશિયા કપ માટે ફ્લાઈટ ટિકિટ અને વિઝાનો ખર્ચો 29400 રુપિયા છે. કોઈ જુગાડ ન દેખાયો તો મેં 35,000 રુપિયામાં બાઈક વેચી કાઢી.
ઈંગ્લેન્ડ પ્રવાસ પરથી પાછો ફર્યો
સુધીર ટીમ ઈન્ડિયાને ચિયર કરવા ઈંગ્લેન્ડ પ્રવાસ પર ગયો હતો, પરંતુ T20 અને વનડે સીરિઝ પછી તેણે પાછુ આવવુ પડ્યુ હતું. સુધીર જણાવે છે કે, ઈંગ્લેન્ડ ટૂર માટે કોઈ ફોરેનર ફ્રેન્ડે ટિકિટ અને વિઝા અપાવ્યા હતા પરંતુ T20 અને વનડે સીરિઝ પછી મારે પાછુ આવવુ પડ્યું. હું ઈચ્છતો તો સચિન સરને ફોન કરી શકતો હતો, પરંતુ મેં આમ નહોતુ કર્યું. હું પ્લેયર્સને મળ્યા વિના પાછો આવી ગયો.
આર્થિક સ્થિતિ નથી સારી
બિહારમાં રહેતા સુધીરની આર્થિક સ્થિતિ સારી નથી. થોડા સમય પહેલા ન્યુઝ છપાયા હતા કે તેનું ઘર તૂટેલુ છે, અને વરસાદમાં તેના ઘરમાં પાણી ટપકે છે. સુધીરે જણાવ્યું કે, જમીન વેચીને તેણે પોતાનું ઘર બનાવ્યું છે. જો કે પ્લાસ્ટર કરવાનું હજી બાકી છે.
સ્પોન્સર્સને ઈનકાર
https://twitter.com/Sudhir10dulkar/status/1037535720758378497સચિનના રિટાયરમેન્ટ પછી સુધીર પોતાના શરીર પર ‘મિસ યુ તેંડુલકર 10’ પેઈન્ટ કરાવીને સ્ટેડિયમમાં હાજર રહે છે. સુધીરને ઘણી વાર મોટા-મોટા સ્પોન્સરે ઓફર કરી છે કે તે પોતાની કંપનીનો લોગો પણ લગાવે અને બદલામાં સારી એવી રકમ તેને ઓફર કરી હતી. પરંતુ સુધીરે હંમેશા ઈનકાર કર્યો.
મુકી આ શરત
પરંતુ હવે સ્થિતિ એવી થઈ ગઈ છે કે સ્પોન્સરનો લોગો લગાવવા માટે તૈયાર થઈ ગયો છે. પરંતુ તેણે જણાવ્યું કે જ્યાં સચિન સરનું નામ અને જર્સી નંબર છે, ત્યાં કોઈ છેડછાડ કરવામાં નહીં આવે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.