બિગ બેશ લીગ : વિકેટ બચાવવા જતા બોલર પર પડ્યો બેટ્સમેન, હોસ્પિટલ લઈ જવો પડ્યો

નવી દિલ્હી: ક્રિકેટના મેદાન પર બેટ્સમેન પોતાની વિકેટ બચાવવા માટે દરેક પ્રયત્ન કરે છે. આવો જ પ્રયત્ન ઑસ્ટ્રેલિયાની બિગ બેશ લીગમાં જોવા મળ્યો પણ આમાં બેટ્સમેન સેમ હાર્પર ગંભીરપણે ઈજાગ્રસ્ત થઈ ગયો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો મેલબૉર્ન રેનેગેડ્સ અને હોબાર્ટ હરિકેન્સ વચ્ચેની મેચમાં મંગળવારે આ ઘટના બની. ડોકલેન્ડ્સ સ્ટેડિયમમાં મેલબૉર્નનો હાર્પર વન-ડાઉન બેટિંગ કરવા માટે આવ્યો. તેણે નાથન એલિસના બોલ પર એક શોટ લગાવ્.ો અને સિંગલ લેવા માટે દોડ્યો. ફીલ્ડરે તરત બોલ પકડી નૉન-સ્ટાઈકર એન્ડ પર થ્રો કર્યો. હાર્પરે બોલરને જોયો નહીં અને તે દોડતા-દોડતા પોતાની વિકેટ બચાવવાના ચક્કરમાં તેની ઉપર પડી ગયો. પડી ગયા બાદ હાર્પર મેદાન પર સૂઈ ગયો અને પછી ડૉક્ટરને બોલાવવામાં આવ્યા. જોકે, હાર્પર રિટાયર્ડ હર્ટ થઈને પાછો જતો રહ્યો. BBLએ ટ્વીટર પર લખ્યું કે, તેના સ્થાને ટીમમાં ટૉમ કૂપરને શામેલ કરવામાં આવ્યો છે. હાર્પર ત્યારે 6 રને બેટિંગ કરી રહ્યો હતો. બાદમાં તેને હોસ્પિટલ ખસેડવામાં આવ્યો. આ મેચ હોબાર્ટ હરિકેન્સે 4 રનથી જીતી લીધી. હોબાર્ટની ટીમે મેકેલિસ્ટર રાઈટ (70*) અને મેથ્યૂ વેડ (66)ની અર્ધસદીઓની મદદથી 3 વિકેટે 190 રન બનાવ્યા. મેલબોર્નની ટીમ 20 ઓવરમાં 4 વિકેટે 186 રન જ બનાવી શકી. મેલબૉર્ન માટે શૉન માર્શ (56), મોહમ્મદ નબી (63) અને વેબ્સ્ટર (50) અર્ધસદીઓ ફટકારી પણ ટીમને જીતાડી શક્યા નહીં.