IPL: ભારે પડ્યો ઉત્સાહ, શિવમ માવી અને આવેશ ખાનને દંડ

I am Gujarat

આચારસંહિતાનું ઉલ્લંઘન

કોલકાતા નાઈટ રાઈડર્સ (કેકેઆર)ના બોલર શિવમ માવી અને દિલ્હી ડેરડેવિલ્સ (ડીડી)ના બોલર આવેશ ખાનને આઈપીએલની આચાર સંહિતાના ઉલ્લંઘન માટે દંડ ફટકારાયો છે. શુક્રવારે ફિરોજશાહ કોટલા મેદાનમાં કેકેઆર અને ડીડી વચ્ચે રમાયેલી મેચમાં બે અલગ અલગ ઘટના માટે ફટકાર લગાવવામાં આવી હતી.

શું કહ્યું IPLના અધિકારીએ

ઈન્ડિયન પ્રિમિયર લીગના અધિકારીએ પોતાના એક નિવેદનમાં જણાવ્યું હતું કે,’માવી અને ખાન બન્ને ખેલાડીઓ અને ટીમ અધિકારીઓએ આઈપીએલની આચારસંહિતાની 2.1.7 કલમ અંતર્ગત લેવલ એકનું ઉલ્લંઘન કરવાની સજા સ્વીકારી છે.’

લેવલ એકનું ઉલ્લંઘન

લેવલ એકના ઉલ્લંઘન માટે મેચ રેફરીનો નિર્ણય અંતિમ અને માન્ય હોય છે. ડીડીની અંતિમ ઓવરમાં માવીએ 29 રન આપ્યાં હતાં. ડીડીએ કેકેઆરને 55 રનથી હરાવી હતી.

શિવમ માવીએ કરી હતી કમેન્ટ

ઈનિંગ દરમિયાન છઠ્ઠી ઓવરમાં શિવમ માવીએ દિલ્હીના ઓપનર કોલિન મુનરોને આઉટ કર્યા પછી કેટલીક કમેન્ટ કરી હતી. આ કમેન્ટ પર મુનરોએ પણ જવાબ આપ્યો હતો. જોકે, વાત અહિથી જ પૂરી થઈ હતી.

આવેશ ખાને કહ્યાં હતાં અપશબ્દ

બીજી બાજુ દિલ્હીના આવેશ ખાને કોલકાતા નાઈટ રાઈડર્સના ઓલરાઉન્ડર આંદ્રે રસેલને બોલ્ડ કર્યા પછી અપશબ્દ કહ્યાં હતાં. જેની ફરિયાદ બેટ્સમેને ફીલ્ડ અમ્પાયરને કરી હતી. આવેશમાં જ ઉત્સાહ બતાવતાં ફ્લાઈંગ કિસ પણ રસેલ તરફ ફેંકી હતી.