શોએબ મલિકે ધોની સાથે ફોટો શેર કરી ક્રિસમસ વિશ કરી, ટ્રોલર્સ તૂટી પડ્યા

નવી દિલ્હી: પાકિસ્તાનનો પૂર્વ કેપ્ટન શોએબ મલિક તે સમયે ટ્રોલર્સના નિશાને આવી ગયો જ્યારે તેણે ટીમ ઈન્ડિયાના દિગ્ગજ ખેલાડી મહેન્દ્ર સિંહ ધોની સાથેની એક જૂની તસવીર પોસ્ટ કરી દીધી. 37 વર્ષીય મલિકે ક્રિસમસ પર આ તસવીર શેર કરી, જેમાં ધોની સ્ટમ્પ્સ પાસે ઊભો છે અને મલિક જીતનું સેલિબ્રેશન કરી રહ્યો છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો પાકિસ્તાન માટે 287 વન-ડે અને 35 ટેસ્ટ રમી ચૂકેલા મલિકે આ તસવીર સાથે કેપ્શનમાં લખ્યું, ‘મેરી ક્રિસમસ દોસ્તો. 25 ડિસેમ્બર મુબારક.’ ત્યાર બાદ ભારતીય ક્રિકેટ પ્રેમી અને ધોનીના ફેન્સે તેને ટાર્ગેટ કર્યો. ત્યારબાદ ઘણા બધાએ એવી તસવીરો શેર કરી જેમાં ભારતે પાકિસ્તાનને હરાવ્યું હતું. કેટલીક એવી તસવીરો પણ પોસ્ટ કરવામાં આવી જેમાં પાકિસ્તાની ખેલાડીઓ લાચાર દેખાઈ રહ્યા હતા. જણાવી દઈએ આ 7 વર્ષ પહેલા (25 ડિસેમ્બર 2012) ભારત-પાકિસ્તાન વચ્ચે રમાયેલી ટી20 મેચની તસવીર છે જે બેંગ્લોરમાં રમાઈ હતી. આ મેચ પાકિસ્તાને પાંચ વિકેટે જીતી હતી. ભારતીય ક્રિકેટ ટીમે પ્રથમ બેટિંગ કરતા 9 વિકેટે 133 રન બનાવ્યા હતા અને પાકિસ્તાને 19.4 ઓવરમાં પાંચ વિકેટ ગુમાવી 134 રન બનાવી લીધા હતા. મેન ઑફ ધ મેચ મોહમ્મદ હાફિઝે 61 અને શોએબ મલિકે અણનમ 57 રન બનાવ્યા હતા.