સૌરવ ગાંગુલી સામે આ પાંચ મોટા પડકારો, આગામી 9 મહિના થશે એસિડ ટેસ્ટ

નવી દિલ્હી : પૂર્વ ભારતીય કેપ્ટન સૌરવ ગાંગુલીએ બુધવારે BCCIના 39મા અધ્યક્ષ તરીકેની જવાબદારી સંભાળી લીધી. ગાંગુલી આગામી નવ મહિના માટે સત્તાવાર રીતે ભારતીય ક્રિકેટના પ્રમુખની ભૂમિકા ભજવશે. આની સાથે જ સુપ્રિમ કોર્ટ દ્વારા નિયુક્ત પ્રશાસકોની સમિતી (COA)નો 33 મહિનાનો કાર્યકાળ પર પૂરો થઈ ગયો. ગાંગુલીની અધ્યક્ષ તરીકેની સફર સરળ નહીં રહે, તેની સામે 9 મહિનાના કાર્યકાળ દરમિયાન ઘણા પડકારો હશે. આમાંથી મુખ્ય પડકારો કંઈક આ પ્રકારે છે… ICCમાં ભારતની સ્થિતિ – સમસ્યા એ વાત કોઈનાથી છૂપાયેલી નથી કે, આઈસીસીમાં ભારતનો રૂઆબ ઘટ્યો છે અને આઈસીસીના નવા કાર્યસમૂહમાં બીસીસીઆઈનું કોઈ પ્રતિનિધિ નથી. BCCIના પૂર્વ અધ્યક્ષ એન શ્રીનિવાસનના વિશ્વાસુ સુંદર રમન દ્વારા તૈયાર કરવામાં આવેલા ‘બિગ થ્રી મૉડલ’ (ઈંગ્લેન્ડ, ઑસ્ટ્રેલિયા અને ભારત) અંતર્ગત ભારતને આઈસીસીના રેવેન્યૂ એલૉકેશન મૉડલમાંથી 57 કરોડ ડૉલર મળવાના હતા. શશાંક મનોહરના આવ્યા બાદ ભારત બિગ થ્રી મૉડલ પર સહમતિ બનાવી શક્યું નહીં અને 2016, 2023 સત્ર માટે 29 કરોડ 30 લાખ ડૉલરથી જ સંતોષ માણવો પડ્યો જે ઈંગ્લેન્ડ અને વેલ્સ ક્રિકેટ બોર્ડથી 15 કરોડ વધુ છે. હવે ઉકેલવાના પડકાર સૌરવ ગાંગુલીનો BCCIના પ્રતિનિધિ તરીકે ICC સાથે વાત કરવી પડશે. બોર્ડને 40 કરોડ ડૉલર મળી શકે છે. ગાંગુલીએ પ્રેસ કૉન્ફરન્સમાં પણ 37 કરોડ 20 લાખ ડૉલર મળવાની વાત કરી. આમ જો એન શ્રીનિવાસન અથવા સુંદર રમન BCCIના પ્રતિનિધિ તરીકે ICCમાં જાય છે અને BCCI પાસે મત નહીં હોય તો ટકરાવની સ્થિતિ બની શકે છે. ટી20 વર્લ્ડ કપ અને ભવિષ્યની ICC ટૂર્નામેન્ટમાં ભારતને ટેક્સ રાહત ગાંગુલીને BCCIની કાયદાકીય અને ફાયનાન્શિયલ ટીમોનો પૂરો સહયોગ જોઈશે કારણ કે, ICC ભારતમાં તમામ ટૂર્નામેન્ટ માટે ટેક્સ રાહત ઈચ્છે છે. મનોહરે એવી ચેતવણી પણ આપી છે કે, ટેક્સનો તમામ બોજ BCCIના વાર્ષિક રેવેન્યૂ પર પડશે. આનો એ હલ નીકળી શકે છે કે, ICCના બ્રોડકાસ્ટર સ્ટાર સ્પોર્ટ્સને ટેક્સનો બોજો સહન કરવા માટે કહેવામાં આવશે જેનો ભારતમાં એક બુનિયાદી ઢાંચો છે અને તેને પ્રોડક્શન ઉપકરણ આયાત નહીં કરવા પડે. ડૉમેસ્ટિક ક્રિકેટર્સને ચૂકવણી ભારતીય ક્રિકેટના વર્ષો જૂના આ મુદ્દાને ગાંગુલીએ પોતાની પ્રાથમિકતા ગણાવી છે. અત્યારે ફર્સ્ટ ક્લાસ ક્રિકેટરને પ્રતિ મેચ એક લાખ 40 હજાર રૂપિયા મળે છે. સત્રના અંતમાં BCCI પોતાના તમામ રેવેન્યૂના 13 ટકા તેમને પણ વહેંચે છે. એક સત્રમાં ડૉમેસ્ટિક ક્રિકેટરને 25 લાખ રૂપિયા મળી જાય છે તો ચાર દિવસીય, લિસ્ટ એ અને ટી20 મેચ રમે છે. ઈન્ટરનેશનલ ક્રિકેટર્સની કમાણી ક્યાંય વધુ છે. તેમને એક ટેસ્ટ માટે 15 લાખ રૂપિયા, વન-ડેના આઠ લાખ અને ટી20ના ચાર લાખ રૂપિયા મળે છે. આ ઉપરાંત 20 ક્રિકેટરોના વાર્ષિક કેન્દ્રિય કરાર પણ છે. ડૉમેસ્ટિક ઢાંચો દેવધર ટ્રૉફી, રણજી ટ્રૉફીનો ઢાંચો અને એમ્પાયરિંગનું સ્તર. ટૂર્નામેન્ટની સંખ્યામાં ઘટાડો અને ફર્સ્ટ ક્લાસ ક્રિકેટ માટે સારી પીચો. હિતોનો ટકરાવ ગાંગુલી પોતે આ સ્થિતિમાંથી પસાર થઈ ચૂક્યો છે અને પોતાના સાથીઓ સચિંન તેંદુલકર અને વીવીએસ લક્ષ્મણને પણ આ વિવાદનો સામનો કરતા જોયા છે. આ નિયમ અંતર્ગત એક વ્યક્તિ એક જ પદ સંભાળી શકે છે. આનાથી ક્રિકેટ સલાહકાર સમિતિ અને નેશનલ સિલેક્શન કમિટીમાં સારા ક્રિકેટર્સને લાવવાનો વિકલ્પ ઓછો થઈ જશે.