સાઉથ આફ્રિકાના બોલર મોર્ને મોર્કલે નિવૃત્તિ જાહેર કરી

I am Gujarat

ઓસી સામેની ટેસ્ટ સીરીઝ બાદ લેશે નિવૃત્તિ

સાઉથ આફ્રિકન ફાસ્ટ બોલર મોર્ને મોર્કલે ઈન્ટરનેશનલ ક્રિકેટમાંથી સંન્યાસ લેવાની જાહેરાત કરી દીધી છે. 33 વર્ષીય મોર્કલે ઓસ્ટ્રેલિયા સામેની ચાર ટેસ્ટની સીરીઝ બાદ ક્રિકેટ ઈન્ટરનેશનલ ક્રિકેટના તમામ ફોર્મેટમાંથી નિવૃત્તિ લેવાનો નિર્ણય કર્યો છે. સાઉથ આફ્રિકા અને ઓસ્ટ્રેલિયા વચ્ચે 1 માર્ચથી 3 એપ્રિલ સુધી ટેસ્ટ સીરીઝ રમાશે.

મોર્ને મોર્કલનું કરિયર

આની સાથે મોર્કલનું 12 વર્ષ લાંબુ ક્રિકેટ કરિયર ખતમ થઈ જશે. તેણે 83 ટેસ્ટમાં 294 વિકેટો ઝડપી છે. 117 વન-ડેમાં 188 અને 44 ટેસ્ટમાં 47 વિકેટો ઝડપી ચૂકેલો મોર્કલ આફ્રિકા તરફથી સૌથી વધુ વિકેટ લેનારો 5મો બોલર છે. તેના નામે કુલ 529 ઈન્ટરનેશનલ વિકેટ્સ છે.

નવી શરૂઆત માટે યોગ્ય સમય

મોર્કલ કહ્યું કે, ‘આ ખરેખર ખુબ મુશ્કેલ નિર્ણય હતો પણ મને લાગે છે કે, એક નવી શરૂઆત કરવાનો આ યોગ્ય સમય છે. મારી પાસે એક યુવા પરિવાર અને વિદેશી પત્ની છે. વર્તમાન ઈન્ટરનેશનલ શેડ્યૂલમાં હું તણાવમાં હતો.’

ભારત વિરુદ્ધ ફેલ, IPLમાં પણ ન મળ્યો ખરીદદાર

ઉલ્લેખનીય છે કે, 75 લાખ રૂપિયા બેઝ પ્રાઈઝ સાથે IPLની હરાજીમાં મૂકાયેલા મોર્ને મોર્કલને કોઈ ખરીદદાર મળ્યો નહોતો. મોર્કલ વર્લ્ડ ક્રિકેટમાં ‘જિરાફ’ના ઉપનામથી જાણીતો છે. મોર્કલ ભારત સામેની સીરીઝમાં પણ પ્રભાવક પ્રદર્શન કરી શક્યો નહોતો.