સ્ટીવ સ્મિથની કેપ્ટનશિપ લાગેલો પ્રતિબંધ પૂરો, હવે સંભાળી શકશે ટીમની કમાન

સિડની: ઑસ્ટ્રેલિયન ક્રિકેટ ટીમનો પૂર્વ કેપ્ટન સ્ટીવ સ્મિથ હવે ફરી એકવાર પોતાની નેશનલ ટીમનું નેતૃત્વ કરવા માટે સ્વતંત્ર છે. તેની કેપ્ટનશિપ પર લાગેલો બે વર્ષનો પ્રતિબંધ રવિવારે પૂર્ણ થઈ ગયો છે. 30 વર્ષના સ્મિથે 2018માં સસ્પેન્ડ થયા સુધી ટીમની આગેવાન કરી હતી જ્યારે કેપટાઉનમાં સાઉથ આફ્રિકા વિરુદ્ધ ટેસ્ટ મેચ સેન્ડ પેપરથી બોલ ટેમ્પરિંગનો દોષી હોવાનું સામે આવતા તેને સજા ફટકારાઈ હતી.કોરોનાને કારણે સ્થગિત છે ક્રિકેટ સીરિઝસ્મિથની કેપ્ટનશિપ પર લાગેલો આ બેન એવા સમયે પૂરો થયો છે, જ્યારે ઘાતક કોરોના વાયરસના સંક્રમણને કારણે માત્ર ઑસ્ટ્રેલિયા જ નહીં આખી દુનિયામાં ક્યાંય પણ ક્રિકેટ રમાઈ રહી નથી. સ્મિથે પોતાની છેલ્લી મેચ સિડનીના ખાલી ક્રિકેટ ગ્રાઉન્ડ પર ન્યૂઝીલેન્ડ વિરુદ્ધ રમી હતી. ત્રણ મેચોની આ સીરિઝ બાદમાં કોરોના વાયરસને લીધે રદ કરી દેવાઈ હતી.ટિમ પેઈન પાસેથી છીનવાશે કેપ્ટનશિપ?ટિમ પેઈન પાસેથી કેપ્ટનશિપ આંચકી લેવાની વાતચીત થઈ શકે છે અને તેના સ્થાને ફરી એકવાર સ્મિથને ટીમની જવાબદારી સોંપવામાં આવી શકે છે પણ એ સ્પષ્ટ નથી કે તે શું ઈચ્છે છે. 35 વર્ષીય પેઈનની કેપ્ટનશિપની કોચ જસ્ટિન લેંગરે ગત વર્ષે પ્રશંસા કરી હતી અને તેને શાનદાર ગણાવી હતી.વૉર્નર-બેનક્રૉફ્ટ પર પણ લાગ્યો હતો બેનક્રિકેટ ઑસ્ટ્રેલિયાએ 2018માં બોલ ટેમ્પરિંગ વિવાદમાં સ્મિથ પર ક્રિકેટ રમવા પર 1 અને કેપ્ટનશિપ પર 2 વર્ષનો પ્રતિબંધ લગાવ્યો હતો. સ્મિથે સ્વીકાર્યું કે, તેણે કેપ્ટનમાં સાઉથ આફ્રિકા વિરુદ્ધ ત્રીજી ટેસ્ટ મેચ દરમિયાન કેમરૂન બેનક્રૉફ્ટને બોલ સાથે ચેડાં કરવાનું કહ્યું હતું. સ્મિથ અને બેનક્રૉફ્ટની સાથે-સાથે ડેવિડ વૉર્નરને પણ વાઈસ કેપ્ટનશિપથી હટાવવામાં આવ્યો હતો. જ્યારે બેનક્રૉફ્ટ પર 9 મહિનાનો પ્રતિબંધ લગાવાયો હતો.