ICC રેન્કિંગઃ સ્ટીવ સ્મિથે બનાવ્યો આ શાનદાર રેકોર્ડ

I am Gujarat

ટેસ્ટ રેન્કિંગમાં ટોપ પર

વિશ્વના નંબર એક ટેસ્ટ બેટ્સમેન ઓસ્ટ્રેલિયાના કેપ્ટન સ્ટીવ સ્મિથે પોતાની સફળતામાં વધુ એક પીંછુ ઉમેર્યું છે. ટેસ્ટ બેટિંગમાં સ્ટિવ સ્મિથે સૌથી વધુ રેન્કિંગ પોઇન્ટ્સમાં સર બ્રેડમેનની નજીક પહોંચ્યો છે. આઇસીસી ટેસ્ટ રેન્કિંગમાં પહેલાથી જ ટોપ પર રહેલા ઓસ્ટ્રેલિયન કેપ્ટનની તાજી રેન્કિંગમાં 945 રેટિંગ પોઇન્ટ્સ થયાં છે.

બ્રેડમેનથી 16 પોઇન્ટ્સ પાછળ

આ રેન્કિંગમાં બ્રેડમેને મેળવેલા હાઇએસ્ટ રેટિંગ પોઇન્ટ્સ 961થી માત્ર 16 પોઇન્ટ્સ ઓછા છે. સ્મિથ પહેલા જ 62.32ની એવરેજ સાથે સર બ્રેડમેનના 99.94 પછી સૌથી વધુ ટેસ્ટ એવરેજ ધરાવનાર બેટ્સમેન બની ચૂક્યો છે.

હટન, હોબ્સ, પોન્ટિંગ રહ્યાં પાછળ

પર્થ ટેસ્ટમેચમાં 239 રનની કરિયરની બેસ્ટ ઇનિંગ રમીને ઇંગ્લેન્ડથી એશિઝ સીરિઝ છીનવનાર 28 વર્ષનો સ્મિથ બ્રેડમેનની નજીક તો પહોંચ્યો જ છે. આ ઉપરાંત ક્રિકેટ ઇતિહાસના કેટલાક મહાન ટેસ્ટ બેટ્સમેનોને પણ રેન્કિંગ પોઇન્ટ્સમાં પાછળ છોડ્યાં છે. જેમાં જેક હોબ્સ અને રિકી પોન્ટિંગનો પણ સમાવેશ થાય છે. ઈંગ્લેન્ડના લેન હટનની તેણે બરાબરી કરી છે. જેના ડોન બ્રેડમેન પછી સૌથી વધુ એટલે કે 941 રેન્કિંગ પોઇન્ટ્સ રહ્યાં છે.