વરસાદ ના હોય અને આકાશ સાફ હોય તો પણ આ કારણે રદ થઈ જશે મેચ!

લંડનઃ ચાલુ મેચમાં વરસાદ પડે કે લાઈટ ઓછી થાય તો ક્રિકેટ મેચ અટકાવી દેવી પડે છે. પણ જો બરાબર લાઈટ હોય અને વરસાદ ના હોય છતાં મેચ અટકાવી દેવામાં આવે તો? આ વાત આશ્ચર્ય પમાડે તેવી છે પણ જળવાયુ પરિવર્તનને જોતા ક્રિકેટમાં “Heat Rules” લાગુ કરવા અંગેનું સૂચન આપવામાં આવ્યું છે. આ રિસર્ચમાં ખરાબ હવામાનના કારણે મેચ રોકવા અંગેનું સૂચન કરવામાં આવ્યું છે. સ્પોર્ટ્સ રિસર્ચર્સ અને પર્યાવરણના જાણકારો દ્વારા આ રિસર્ચ કરીને સૂચન કરવામાં આવ્યું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આ રિસર્ચમાં યુવા ખેલાડીઓ પર વધારે ધ્યાન આપવા માટે કહેવામાં આવ્યું છે. સાથે જ સ્પોર્ટ્સની સામગ્રી બનાવતી કંપનીઓને એવી સામગ્રી બનાવવા માટે કહેવામાં આવ્યું છે કે, જેમાંથી હવા સારી રીતે પસાર થઈ શકે. કારણ કે હવે બધી જગ્યાઓ પર ગરમી વધારે જોવા મળે છે.આ રિપોર્ટ અંગે સૂચન કરનારા લૉર્ડ્સ ક્રિકેટ મેદાનના અધિકારી રસેલ સેયમોરે કહ્યું, “આ માત્ર ક્રિકેટ જ નહીં પણ તમામ સ્પોર્ટ્સ માટે ગંભીર થવાનો સમય છે.” તેમણે કહ્યું- ખેલાડીઓ એક જગ્યા પર ઉભા નથી રહેતા અને આપણે આવનારા સંકટનો સામનો કરવા માટે તૈયાર કહેવું પડશે. ફિટ ફોર સિક્સ નામના આ રિપોર્ટમાં વિસ્તારથી જણાવવામાં આવ્યું છે કે કઈ રીતે ભારત અને ઓસ્ટ્રેલિયા જેવા ક્રિકેટ રમનારા દેશોમાં ખરાબ હવામાનની અસર પડી રહી છે જેમાં દુષ્કાળ, લૂ અને તોફાન જેવી મુશ્કેલ આપદાઓનો ઉલ્લેખ કરાયો છે. તજજ્ઞોનું માનવું છે કે, જળવાયુ પરિવર્તનના કારણે આ આવી અસર પડી રહી છે.રિપોર્ટમાં જણાવાયું છે કે, ઓસ્ટ્રેલિયામાં મેચો પર તેની અસર પડી, પાણીની અછતના કારણે દક્ષિણ આફ્રીકાનો પ્રવાસ અસરગ્રસ્ત થયો અને પૂરના કારણે ઈંગ્લેન્ડમાં ક્રિકેટ મેચનું સત્ર લંબાવવામાં આવ્યું. આ રિસર્ચમાં જોડાયેલા રિસર્ચર માઈક ટિપટોને જણાવ્યું કે, “35 ડિગ્રી સેલ્સિયસથી વધારે તાપમાન હોવા પર શરીર પોતાને ઠંડું કરવાનું બંધ કરી દે છે. બેટ્સમેન અને વિકેટકીપર માટે આ મુશ્કેલ સ્થિતિ હોય છે. બચાવ ઉપકરણના કારણે પરસેવો નીકળવાનું પણ સિમિત બની જાય છે.”