આ ભારતીય ક્રિકેટરની કારનું ટાયર ફાટ્યું, જરાક માટે બચી ગયો!

I am Gujarat

રેન્જ રોવરનું ટાયર ફાટ્યુ, બચી ગયો રૈના

લખનઉ: ભારતીય ક્રિકેટર સુરેશ રૈના એક મોટી દુર્ઘટનામાં આબાદ બચી ગયો. મંગળવારે જ્યારે તે પોતાની રેન્જ રોવર કારમાં જઈ રહ્યો હતો ત્યારે તેની કારનું એક ટાયર ફાટી ગયું. સ્થાનીક પોલીસે આ વાતની જાણકારી આપી.

ગાઝિયાબાદથી કાનપુર જતો હતો રૈના

પોલીસે કહ્યું કે, રૈનાની કારનું ટાયર ઈટાવાની ફ્રેન્ડ્ઝ કૉલોની પાસે ફાટ્યું. પોલીસ અનુસાર, જો કારની સ્પીડ વધારે હોત તો મોટી દુર્ઘટના ઘટી હોત. રૈના ગાઝિયાબાદથી કાનપુર જઈ રહ્યો હતો જ્યાં બુધવારે તેને દુલીપ ટ્રોફીની એક મેચમાં રમવાનું છે. રૈના દુલીપ ટ્રોફીમાં ઈન્ડિયા બ્લૂનો કેપ્ટન છે. રૈના કાનપુર મોકલવા માટે પોલીસે એક નવા વાહનની વ્યવસ્થા કરી આપી. રૈનાની કારમાં કોઈ વધારાનું ટાયર નહોતું જેથી તેના માટે થોડો સમય તેને ત્યાં ઊભું રહેવું પડ્યું.

રાત્રે બે વાગ્યે બની ઘટના

સ્થાનીક લોકોએ આ અંગે પોલીસને જાણકારી આપી જ્યાર બાદ પોલીસે બીજા વાહનની વ્યવસ્થા કરી આપી. આ ઘટના મોડી રાતે 2 વાગ્યે બની. ડીએસપી રાજેશ કુમારે કહ્યું કે, આ ઘટનામાં રૈનાને કોઈપણ પ્રકારની ઈજા થઈ નથી.