IND Vs PAK: પાકિસ્તાને ભારત સામે 160 રનનું લક્ષ્ય મૂક્યું, અર્શદીપ-હાર્દિકની ધારદાર બોલિંગ

આજના ભારત પાકિસ્તાન વચ્ચેના મહામુકાબલામાં ભારતે અગાઉની મેચોનો બદલો લેવાનો છે ત્યારે પાકિસ્તાન નક્કી કરેલા પ્લાનમાં નિષ્ફળ થયેલું દેખાઈ રહ્યું છે. પાકિસ્તાને પ્રથમ બેટિંગ કરીને ભારત સામે જીત માટે 000 રનનું લક્ષ્ય મૂક્યું છે. ભારતે ટોસ જીતીને પાકિસ્તાનને બેટિંગ માટે આમંત્રણ આપ્યું જેમાં પાછલી કેટલીક મેચોમાં કમાલ કરનારા બાબર આઝમ અને મોહમ્મદ રિઝવાન નિષ્ફળ સાબિત થયા છે. અર્શદીપે પોતાના શરુઆતના સ્પેલમાં આ બન્ને ખેલાડીઓની વિકેટ લીધી હતી.

પાકિસ્તાનની નબળી શરુઆત થઈ હતી જેમાં માત્ર 15 રનની ઓવરમાં બે મહત્વની વિકેટ પડી ગઈ હતી. આ પછી ઈફ્તિકાર અહેમદ અને શાન મસૂદ વચ્ચે મહત્વની 50 રનથી વધુની પાર્ટનશીપના કારણે પાકિસ્તાને કમબેક કર્યું હતું. પરંતુ ઈફ્તિકારે એક જ ઓવરમાં 3 છગ્ગા ફટકારીને પોતાની અર્ધસદી પૂર્ણ કરી હતી પરંતુ તે મોહમ્મદ શમીનો શિકાર બનતા 51 રન પર પેવેલિયન ભેગો થઈ ગયો હતો.

પાકિસ્તાન તરફથી બાબર અને રિઝવાન નિષ્ફળ રહ્યા બાદ શાન અને ઈફ્તિકારે અર્ધસદી ફટકારી હતી. જ્યારે આસિફ અલીએ પણ 8મા નંબરે આવીને ટીમનું સ્કોરકાર્ડ ચલાવવામાં મહત્વની ભૂમિકા ભજવી હતી.

ભારતની ધારદાર બોલિંગ
ભારત તરફથી અર્શદીપ સિંઘ સફળ બોલર રહ્યો હતો જેણે 4 ઓવરમાં 8ની ઈકોનોમી રેટ સાથે 32 રન આપીને 3 વિકેટ લીધી હતી. જેમાં બાબર અને રિઝવાનની વિકેટ લીધી હતી. આ સિવાય આસિફ અલીની પણ વિકેટ લીધી હતી. જ્યારે હાર્દિકે

શદાબ ખાન, હૈદર અલી અને મોહમ્મદ નવાઝની વિકેટ લીધી હતી. હાર્દિકે 4 ઓવરમાં 7.50ના ઈકોનોમી રેટ સાથે 30 રન આપ્યા હતા. જ્યારે ભૂવનેશ્વર કુમાર અને મોહમ્મદ શમીને 1-1 વિકેટ મળી હતી. ભારતની ઓપનિંગ જોડીએ સેટ થઈને રનવાની જરુર છે, જો આમ થશે તો પાકિસ્તાનના નસીમ અને શાહીનના શરુઆતના સ્પેલમાં સંભાળીને રમવાની જરુર છે.