ક્રિકેટમાં સચિન તેંડુલકર ઓલ ટાઇમ ગ્રેટ બેટ્સમેનની યાદીમાં સ્થાન ધરાવે છે પરંતુ તમને એ વાત જાણીને આશ્ચર્ય થશે કે વિશ્વનો આ મહાન બેટ્સમેન પોતાના નાનપણના દોસ્ત વિનોદ કાંબલીની સરખામણીમાં બેટિંગ એવરેજમાં પાછળ છે.
બેટિંગ એવરેજમાં આગળ છે કાંબલી
આ જાણકારી તમારા માટે કદાચ આશ્ચર્યજનક હશે પરંતુ આંકડાઓ તો આ જ વાત કહી રહ્યાં છે. સચિને ટેસ્ટ ક્રિકેટમાં જે એવરેજથી બેટિંગ કરી છે. તે એવરેજ કરતાં વધારે બેટિંગ એવરેજ વિનોદ કાંબલીની છે. આવો તમને બન્ને બેટ્સમેનના પરફોર્મન્સ વિશે જણાવીએ..
આવું છે સચિન તેંડુલકરનું પર્ફોર્મન્સ
સચિન તેંડુલકરે 463 વન ડે રમી છે. જેમાં તેણે 86.23ની સ્ટ્રાઇક સાથે 18,426 રન બનાવ્યાં છે. આ દરમિયાન તેણે 49 શતક સહિત 96 અર્ધશતક પણ બનાવ્યાં છે. જો વાત ટેસ્ટની કરવામાં આવે તો 200 મેચમાં આ ખેલાડીએ 51 શતક અને 68 અડધી સદીની મદદથી 15,921 રન બનાવ્યાં છે. આ દરમિયાન તેની એવરેજ 53.78 રહી હતી. ટેસ્ટ ક્રિકેટમાં સચિન 2 હજારથી વધારે ચોગ્ગા લગાવનાર એકમાત્ર ખેલાડી છે. તેણે ટેસ્ટ મેચમાં 2058 ચોગ્ગા ફટકાર્યા છે.
ખાસ નથી રહ્યું કાંબલીનું કરિયર
18 જાન્યુઆરી 1971માં મુંબઇમાં જન્મેલા વિનોદ કાંબલીએ 1991માં વન ડે અને 1993માં ટેસ્ટ ક્રિકેટમાં ડેબ્યૂ કર્યું હતું. શરૂઆતની મેચમાં શાનદાર પ્રદર્શન કર્યા પછી કાંબલીનું કરિયર ખાસ રહ્યું નહોતું. ઓક્ટોબર 2000 પછી તેનો ભારતીય ટીમમાં સમાવેશ થયો નહોતો. 2009માં તેણે ઇન્ટરનેશનલ ક્રિકેટમાંથી સંન્યાસ લેવાની જાહેરાત કરી હતી.
આવું રહ્યું છે કાંબલીનું કરિયર
ક્રિકેટ કરિયર દરમિયાન વિનોદ કાંબલીએ 17 ટેસ્ટ મેચની 21 ઇનિંગમાં 54.20ની એવરેજથી કુલ 1084 રન બનાવ્યાં છે. તેનો મેક્સિમમ સ્કોર 227 રહ્યો છે. તેણે પોતાના ટેસ્ટ કરિયરમાં કુલ ચાર શતક અને ત્રણ અર્ધશતક લગાવ્યાં છે. વન ડે ક્રિકેટમાં કાંબલીએ 104 મેચની 97 ઇનિંગમાં 32.59ની એવરેજથી કુલ 2477 રન બનાવ્યાં છે.
આવું છે કારણ
વન ડે ક્રિકેટમાં વિનોદ કાંબલીએ 2 શતક અને 14 અર્ધશતક બનાવ્યાં છે. વન ડેમાં તેનો મેક્સિમમ સ્કોર 106 રહ્યો છે. જોકે, વિનોદ કાંબલી આગળ છે તેનું એક કારણ એ પણ છે કે કાંબલીએ સચિન તેંડુલકરની સરખામણીમાં ઓછી ટેસ્ટ મેચ રમી છે. જેના કારણે તે સચિનની એવરેજ કરતાં આગળ છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.