કહોલીના લાખો ફેન્સ છે પરંતુ વિરાટ તો છે આ વ્યક્તિનો 'જબરો ફેન'

I am Gujarat

વિરાટ તો છે આ ડીજેનો જબરો ફેન

ભારતીય ક્રિકેટ ટીમના કેપ્ટન વિરાટ કોહલીના દુનિયાભરમાં લાખો ફેન્સ છે. પરંતુ કોહલી પોતે વિશ્વ પ્રસિદ્ધી ડીજે કાયગોનો જબરો ફેન છે. બધાને ખબર છે કે ભારતીય કેપ્ટન વિરાટને ઇલેક્ટ્રોનિક ડાંસ મ્યુઝીક(EDM) ખૂબ જ ગમે છે અને નોર્વેના કાયગો આ મ્યુઝિકના સૌથી સફળ ડીજે છે.

કાયગો હાલ છે ભારતના પ્રવાસે

ભારતમાં યોજાઈ રહેલ સનબર્ન ઇવેન્ટ માટે હાલ કાયગો ભારત પ્રવાસે આવ્યો છે. પરંત શ્રીલંકા સામેના ટેસ્ટ મેટ માટે વિરાટે રવિવારે મુંબઈ ખાતે તેનો કોન્સર્ટ મીસ કરવો પડ્યો હતો. પરંતુ વિરાટે પોતાના આ ચહિતા સ્ટાર ડિજે માટે ખાસ ગિફ્ટ મોકલી હતી. તેણે કાયગોને એ સ્ટાર સ્પીકર અને હેડફોન્સ મોકલ્યા હતા. આ પહેલા પણ વિરાટ પોતાનો EDM પ્રત્યેનો પ્રેમ જાહેરમાં દર્શાવી ચૂક્યા છે. તેણે બેલ્જિનાના ડીજે દિમિત્રી વેગાસ અને લાઇક માઇકના પણ ભરપૂર વખાણ કર્યા હતા.

નાગપુરમાં ભારતે તોડ્યા અનેક રેકોર્ડ

તાજેતરમાં નાગપૂર ખાતે શ્રીલંકા સામે ટેસ્ટ મેચ રમતા કોહલીએ નવા રેકોર્ડ બનાવ્યા છે. નાગપુરમાં રમાયેલી બીજી ટેસ્ટ મેચમાં ટીમ ઈન્ડિયાના તમામ બેટ્સમેનના બેટમાંથી રનોનો વરસાદ થયો હતો. તો બોલિંગમાં અશ્વિને પણ જૂનો રેકોર્ડ તોડ્યો હતો.