'120 સેન્ચુરી બનાવી શકે છે વિરાટ કોહલી'

I am Gujarat

કોહલી તોડી શકે સચિનનો રેકોર્ડ

પાકિસ્તાનના દિગ્ગજ ઝડપી બોલર શોએબ અખ્તરનું માનવું છે કે વિરાટ કોહલી 40 વર્ષની ઉંમર પછી પણ ક્રિકેટ રમી શકે છે. અખ્તરે કહ્યું માત્ર કોહલી જ સચિન ટેંડુલકરના 100 ઈન્ટરનેશનલ સેન્ચુરીના રેકોર્ડને તોડી શકે છે. પૂર્વ પાકિસ્તાની ઝડપી બોલરે કોહલીની દિલ ખોલની પ્રશંસા કરી. અખ્તરે સાથે જ કહ્યું, સચિનની સાથે વિરાટની તુલના કરવી બરાબર નથી.

આ દિગ્ગજ બોલરે આપ્યું નિવેદન

અખ્તરે સંયુક્ત અરબ અમીરાતના અખબાર ખલીઝ ટાઈમ્સ સાથે વાતચીતમાં કહ્યું, વિરાટ કોહલી, આધુનિક યુગનો મહાન બેટ્સમેન છે. જ્યારે વાત રન ચેઝની હોય તો કોઈ પણ ઈનિંગને સારી રીતે રમવાની સમજ તેનાથી સારી બીજામાં નથી. હાં હવે તેના નામે 50 ઈન્ટરનેશનલ સેન્ચુરી છે. મને લાગે છે કે તે એકમાત્ર ખેલાડી છે જે સચિન ટેંડુલકરનો રેકોર્ડ તોડી શકે છે. તેને માત્ર રમતનો આનંદ લેવો જોઈએ. તેણે પોતાનો ખ્યાલ રાખવો જોઈએ.

કોહલી બનાવી શકે 120 સદી

અખ્તરે કહ્યું, જો મિસબાહ-ઉલ-હક 43 વર્ષની ઉંમર સુધી રમી શકે છે તો મને વિશ્વાસ છે કે કોહલી 44 વર્ષ સુધી રમી શકે છે. જોતે આટલા લાંબા સમય સુધી રમશે અને આ જ ઝડપથી રન બનાવતો રહેશે તો મને પૂરો વિશ્વાસ છે કે તે સચિનના રેકોર્ડને પાછળ છોડી શકે છે. મને લાગે છે કે તે 120 સદી ફટકારી શકે છે. પરંતુ સચિન સાથે તેની તુલના કરવી બરાબર નથી. સચિન મહાન બેટ્સમેન છે.

સૌથી ઝડપી 50 સદીનો રેકોર્ડ કોહલીના નામે

આ પહેલા શ્રીલંકા સામેની ત્રણ ટેસ્ટ મેચોની સીરીઝમાં કોહલીએ પહેલી ટેસ્ટમાં સદી ફટકારીને ઈન્ટરનેશનલ ક્રિકેટમાં 50મી સદી ફટકારી હતી. તે આમ કરનારો દુનિયાનો 8મો બેટ્સમેન બન્યો છે. કોહલીએ માત્ર 348 ઈનિંગમાં આ મુકામ હાંસેલ કર્યો છે. એક કેપ્ટન તરીકે તેણે એક વર્ષમાં સૌથી વધારે સદી ફટકારી છે.