ટીમ હારી પણ કેપ્ટન કોહલીનો જલવો યથાવત, મેળવી આ સિદ્ધિ

I am Gujarat

વિરાટ ટેસ્ટમાં નંબર 1 પર યથાવત

દુબઈ: ભારતીય ક્રિકેટ ટીમનો કેપ્ટન વિરાટ કેપ્ટન વિરાટ કોહલી ICCના ટેસ્ટ બેટ્સમેનોની રેંકિંગમાં ટોચના સ્થાને યથાવત છે. સોમવારે રજૂ કરાયેલા નવા રેંકિંગ લિસ્ટમાં કોહલી 937 પોઈન્ટ સાથે નંબર 1ની પોઝિશન પર છે. ઉલ્લેખનીય છે કે, ચોથી ટેસ્ટમાં ભારતને ઈંગ્લેન્ડ સામે 60 રનથી પરાજયનો સામનો કરવો પડ્યો હતો. આ જીત સાથે ઈંલેન્ડે 3-1થી સીરીઝ પણ જીતી લીધી છે.

4 ટેસ્ટમાં 544 રન સાથે વિરાટ ટૉપ પર

વિરાટે ચોથી ટેસ્ટની પ્રથમ ઈનિંગમાં 46 અને બીજી ઈનિંગમાં 58 રન બનાવ્યા હતા. આના આધારે જ તે ટોચના સ્થાને જળવાઈ રહ્યો છે. કોહલીએ આ સીરીઝમાં રમેલી 4 ટેસ્ટની 8 ઈનિંગ્સમાં 544 રન બનાવ્યા છે. ઑલ ટાઈમ રેટિંગ બાબતે કોહલી 11મા સ્થાને છે.

માત્ર 2 પોઈન્ટ, અને ઘણા દિગ્ગજો રહી જશે પાછળ

વિરાટ હવે ઑલટાઈમ રેંટિંગમાં ગેરી સૉબર્સ, ક્લેડ વૉલકોટ, વિવિયન રિચર્ડ્સ અને કુમાર સંગાકારાથી માત્ર એક પોઈન્ટ પાછળ છે. ICCએ સોમવારે આપેલા નિવેદનમાં આ વાત કરી છે. ટેસ્ટ બેટ્સમેનોના રેંકિંગમાં ભારતનો પૂજારા છઠ્ઠા સ્થાને છે. સાઉથેમ્પટનમાં 132 રનની નોટઆઉટ ઈનિંગથી તેના પોઈન્ટ 763થી વધીને 798 થઈ ગયા છે.

શમીની ટોપ-20માં એન્ટ્રી

ભારતના ફાસ્ટ બોલર મોહમ્મદ શમીએ ચોથી ટેસ્ટમાં કુલ છ વિકેટ લીધી અને આ પ્રદર્શનના આધારે તે ટેસ્ટ રેંકિંગમાં ટોપ-20 બોલર્સમાં શામેલ થઈ ગયો છે. તે ત્રણ સ્થાનની છલાંગ લગાવી 19મા ક્રમે પહોંચી ગયો છે. આ ઉપરાંત ઈશાંત શર્મા પણ એક સ્થાનના સુધારા સાથે 25મા ક્રમે આવી ગયો છે.