નાગપુર ટેસ્ટ: કોહલીએ ફટકારી સદી, ગાવસ્કરનો વર્ષો જૂનો રેકોર્ડ તૂટ્યો

I am Gujarat

વિરાટ કોહલીએ તોડ્યો રેકોર્ડ

નાગપુર: નાગપુરમાં રમાઈ રહેલી બીજી ટેસ્ટ મેચમાં ટીમ ઈન્ડિયાના તમામ બેટ્સમેનના બેટમાંથી રનોનો વરસાદ થઈ રહ્યો છે. આજે મેચના ત્રીજા દિવસે મુરલી વિજય (128) અને ચેતેશ્વર પુજારા (143)એ સદી ફટકારી તો કેપ્ટન વિરાટ કોહલીએ બેવડી સદી ફટકાલી દીધી. ટેસ્ટમાં આ તેમની 19મી સદી અને 5મી બેવડી સદી છે. તેમણે આ ઈનિંગમાં 259 બૉલનો સામનો કરીને, 15 ચોગ્ગા અને 2 છગ્ગા લગાવ્યા. શ્રીલંકાની પહેલી ઈનિંગમાં 205 રનોના જવાબમાં ટીમા ઈંડિયાનો સ્કોર 4 વિકેટે 550 રન પાર થઈ ચૂક્યો છે.

એક જ વર્ષમાં 10 સદી

આ વર્ષે વિરાટ કોહલી દરેક ફોર્મેટમાં 10 સેંચુરી ફટકારી ચૂક્યો છે. તેણે ભૂતપૂર્વ ઑસ્ટ્રેલિયન કેપ્ટન રિકી પૉન્ટિંગનો રેકોર્ડ તોડી નાખ્યો છે. પૉન્ટિંગે વર્ષ 2005 અને વર્ષ 2006માં મળીને કુલ 9-9 શતક ફટકાર્યા હતા, જે એક કેલેન્ડર વર્ષમાં સૌથી વધારે સદીનો રેકોર્ડ હતો. આ લિસ્ટમાં સાઉથ આફ્રિકાના ગ્રીમ સ્મિથ ( વર્ષ 2005માં 9 સેંચુરી)નું નામ પણ સામેલ છે. આ વર્ષે વનડેમાં વિરાટ કોહલીએ અત્યાર સુધી સૌથી વધારે 6 સદી ફટકારી છે, જ્યારે ટેસ્ટમાં 4 સદી ફટકારી દીધી છે. આ લિસ્ટમાં હવે આગળ વધુ સદી પણ જોડાય તેવી આશા છે.

વિજય-પુજારા પણ ચમક્યા

તેમણે રાહુલ દ્રવિડના એક કેપ્ટનશીપ રેકોર્ડની બરોબરી પણ કરી લીધી છે. તેમની આ શતકીય ઈનિંગના દમ પર ભારતીય ટીમ મહેમાન ટીમ પર દબાણ બનાવવામાં સફળ રહી છે. કોહલી પહેલા આ મેચમાં મુરલી વિજય અને ચેતેશ્વર પુજારા પણ સદી નોંધાવી ચૂક્યા છે.

તોડ્યો રાહુલ દ્રવિડનો રેકોર્ડ

ટેસ્ટમાં 4 બેવડી સદી નોંધાવનાર વિરાટે રાહુલ દ્રવિડના એક કેલેન્ડર વર્ષમાં 19 વખત 50 કે તેથી વધુ રનોની ઈનિંગ રમવાના રેકોર્ડની પણ બરોબરી કરી છે. રાહુલ દ્રવિડ 2006માં જ્યારે પોતે કેપ્ટન હતા ત્યારે તેઓએ 19 વખત 50 કરતા વધુ રનોની ઈનિંગ રમ્યા હતા. ત્રીજા ક્રમાંકે સૌરવ ગાંગુલી છે. તેમણે વર્ષ 2002માં 17 વખત 50 કે તેથી વધુ રન ફટકાર્યા છે.