વિચિત્ર હરકતો બદલ આ ક્રિકેટરો પર લાગ્યો પ્રતિબંધ

I am Gujarat

પોતાની હરકતોને લીધે ભોગવવી પડી સજા

દરેક રમતની જેમ ક્રિકેટમાં પણ ખેલાડીઓને તેમની ભૂલને કારણે સજા કરવામાં આવે છે. ઘણા એવા ક્રિકેટરો છે જેમણે આચારસંહિતાનું પાલન ન કર્યું હોવાને કારણે તેમને સજા થઈ છે પરંતુ અહીં કેટલાક એવા ક્રિકેટરોની યાદી આપવામાં આવી છે જેમને ક્યારેય કલ્પના પણ ન કરી શકાય તેવી વિચિત્ર હરકતો બદલ પ્રતિબંધિત કરવામાં આવ્યા હતા.

બોલો, ઝડપી રમવાને લીધે કપિલ દેવને મળી સજા

ભારતીય ક્રિકેટ ટીમના કેપ્ટન રહી ચૂકેલા કપિલ દેવને એકવાર ઝડપી રમવા માટે સજા મળી હતી. અસલમાં આ મચ દરમિયાન કપિલ જલ્દી સ્કોર કરવાની લ્હાયમાં આઉટ થઈ ગયા હતા. કપિલ તે સમયે આઉટ થયા જ્યારે ટીમ સંઘર્ષ કરી રહી હતી. ત્યારબાદ ગેર-જવાબદાર રીતે રમવા માટે કપિલને એક ટેસ્ટમાંથી બહાર કરવામાં આવ્યા હતા.

બોલને ઘાતકી રીતે થ્રો કરતા ફસાયો રવિન્દ્ર જાડેજા

ભારતીય ઑલરાઉન્ડર રવિન્દ્ર જાડેજાને પણ આ વર્ષે શ્રીલંકા સામેની ત્રીજી ટેસ્ટ મેચમાંથી બહાર રહેવું પડ્યું. જાડેજાને શ્રીલંકન બેટ્સમેન તરફ ખતરનાક રીતે બોલ ફેંકવાના આરોપમાં સજા મળી.

માછલી પકડવા જતો રહ્યો સાયમન્ડ્સ

ભૂતપૂર્વ ઓસ્ટ્રેલિયન ખેલાડી એન્ડ્ર્યૂ સાયમન્ડ્સ પર 2008માં એટલા માટે બેન લગાવવામાં આવ્યો કારણ કે, તે ટીમની મીટિંગમાં હાજર રહેવાને બદલે માછલી પકડવા જતો રહ્યો હતો.

ગુસ્સાને લીધે શોએબ પર લાગ્યો બેન

પાકિસ્તાનના પ્રખ્યાત ફાસ્ટ બોલર શોએબ અખ્તરને 2007માં સાથી ખેલાડી મોહમ્મદ આસિફને બેટ મારવાના આરોપમાં રમવાથી રોકવામાં આવ્યો. બાદ શોએબે સ્પષ્ટતા કરી કે, શાહિદ આફ્રિદી સાથેની લડાઈમાં ભૂલથી આસિફને બેટ વાગી ગયું હતું. શોએબ અનુસાર આફ્રિદી તેના પરિવાર માટે ખરાબ શબ્દો બોલ્યો હતો.

બોલ સાથે છેડછાડ કરતા પકડાયો આફ્રિદી

ભૂતપૂર્વ પાકિસ્તાની પ્લેયર શાહિદ આફ્રિદીને 2010માં બોલ સાથે છેડછાડ કરવાના આરોપમાં સજા ફટકારવામાં આવી હતી. આ વખતે તેને 2 ઈન્ટરનેશનલ ટી-20 રમવાથી રોકવામાં આવ્યો હતો.