કોણ છે શાકિબ અલ હસનનો સંપર્ક કરનાર બુકી દીપક અગ્રવાલ?

નવી દિલ્હીઃ દીપક અગ્રવાલ કથિક ભારતીય બુકી છે જેણે બાંગ્લાદેશના ઓલરાઉન્ડર શાકિબ અલ હસનનો સંપર્ક કર્યો. સ્પોટ ફિક્સિંગ સર્કિટમાં તે એક જાણીતું નામ છે. આઈસીસીની એન્ટી કરપ્શન યુનિટની નજર સતત તેના પર હોય છે. ફ્રેન્ચાઈઝી ક્રિકેટ અને ઈન્ટરનેશનલ મેચોમાં સ્પોટ-ફિક્સિંગના સતત પ્રયાસોના કારણે આઈસીસીએ અગ્રવાલને બ્લેકલિસ્ટમાં રાખ્યો છે. એપ્રિલ 2017માં પોલીસે તેને છત્તીસગઢના રાયગઢ વિસ્તારમાંથી કસ્ટડીમાં લીધો હતો. તેની સાથે અન્ય બે લોકોને પણ કસ્ટડીમાં લેવાયા હતા. દીપકને જેલ પણ થઈ, પરંતુ બહાર આવ્યા બાદ ફરીથી જૂના ધંધામાં જોડાઈ ગયો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: વર્ષ 2011માં 29 વર્ષીય ભારતીય નાગરિક વિજય કુમારના મોતમાં કથિત રૂપે અગ્રવાલનું નામ સામે આવ્યું હતું. વિજયે રાજસ્થાનના ઉદયપુર શહેરના ઘંટાઘર વિસ્તારમાં ફાંસી લગાવીને આત્મહત્યા કરી હતી. આત્મહત્યા પહેલા વિજયે સુસાઈડ નોટમાં લખ્યું હતું તેણે 5 લાખ રૂપિયા ઉધાર લીધા હતા અને આરોપી અગ્રવાલે તેને બેટિંગમાં ફસાવવાની ધમકી આપી રહ્યો હતો. તે સમયે ઉદયપુર શહેરના એડિશનલ એસપી તેજરાજ સિંહે કહ્યું હતું, વિજયે એક સુસાઈડ નોટ છોડી હતી જેમાં તેણે બુકી પાસેથી 5 લાખ રૂપિયા લીધા હોવાનો દાવો કર્યો અને આ બાદ તે ડિપ્રેશનમાં જતો રહ્યો. આ મામલામાં દીપક વિરુદ્ધ IPCની કલમ 306 હેઠળ કેસ દાખલ કરાયો હતો. ઉલ્લેખનીય છે કે આઈસીસીએ બુકી અગ્રવાલ સાથે થયેલા બાંગ્લાદેશી ઓલરાઉન્ડર શાકિબ અલ હસનની વાતચીતનો ખુલાસો કર્યો હતો. આઈસીસીએ કહ્યું કે પહેલીવાર તેણે શાકિબનો 2017માં સંપર્ક કર્યો હતો. આ બાદ તે સતત શાકિબના સંપર્કમાં હતો. આઈસીસીએ જણાવ્યું કે નવેમ્બર 2017માં જ્યારે બાંગ્લાદેશ પ્રીમિલર લીગમાં શાકિબ અલ હસન ઢાકા ડાયનામાઈટ્સ તરફથી રમી રહ્યો હતો ત્યારે અગ્રવાલને કોઈ વ્યક્તિએ હસનનો નંબર આપ્યો હતો. અગ્રવાલે તે વ્યક્તિ પાસેથી બાંગ્લાદેશ પ્રીમિયલ લીગમાં રમી રહેલા પ્લેયર્સના નંબર માગ્યા હતા. આ પણ વાંચોઃ શાકિબ અને બુકી વચ્ચે શું વાતચીત થઈ હતી?