ધોનીના રિટાયર્મેન્ટ પર વિરાટ કોહલીનો ઈમોશનલ વિડીયો, કહી દિલ જીતી લેનારી વાત

નવી દિલ્હી: ભારતીય કેપ્ટન વિરાટ કોહલીએ પોતાના સીનિયર મહેન્દ્ર સિંહ ધોની પાસેથી મળેલાં 'મિત્રતા અને વિશ્વાસ' માટે આભાર વ્યક્ત કરતા કહ્યું કે, આ દિગ્ગજ ક્રિકેટ હંમેશાં તેનો કેપ્ટન રહેશે. BCCIના ટ્વીટર હેન્ડલ પર લગભગ એક મીનિટના વિડીયોમાં કોહલીએ કહ્યું કે, ધોનીની નિવૃત્તિ તેના જીવનના એવા કેટલીક ક્ષણોમાં શામેલ છે જ્યારે તેની પાસે પોતાના વિચારો વ્યક્ત કરવા માટે પૂરતા શબ્દો નથી.

કોહલીએ કહ્યું, 'જીવનમાં ઘણીવાર શબ્દો ખૂટી જાય છે અને મને લાગે છે કે, આ તે મોમેન્ટ છે. હું માત્ર એટલું કહી શકું છું કે, તમે હંમેશાં એ વ્યક્તિ રહ્યા છો જે બસમાં છેલ્લી સીટ પર બેસે છે.' કોહલીના ધોનીની જગ્યાએ કેપ્ટનશિપ સંભાળવા છતાં બંને વચ્ચે ખૂબ સારા સંબંધ રહ્યા અને બંને એકબીજાનું ખૂબ સન્માન કરે છે.

કોહલીએ કહ્યું કે, 'અમારી વચ્ચે ખૂબ સારી દોસ્તી અને પરસ્પર સમજણ છે કારણ કે, અમે હંમેશાં સમાન ભૂમિકા, સમાન લક્ષ્ય માટે રમે જે ટીમને જીત અપાવવા માટે હતું.' તેણે કહ્યું, 'તમારા નેતૃત્વમાં રમવું ખૂબ જ સુખદ રહ્યું. તમે મારા પર વિશ્વાસ દેખાડ્યો જેના માટે હું હંમેશાં તમારો આભારી રહીશ.'

કોહલીએ કહ્યું કે, 'મેં પહેલા પણ આ કહ્યું હતું કે અને હું ફરીવાર કહીશ, તમે હંમેશાં મારા કેપ્ટન રહેશો.' જણાવી દઈએ કે, ધોનીએ શનિવાર, 15 ઑગસ્ટની સાંજે ઈન્સ્ટાગ્રામ પર નિવૃત્તિ લેવાની ઘોષણા કરી હતી. જોકે, તે 19 સપ્ટેમ્બરથી શરૂ થઈ રહેલી IPLમાં રમતો જોવા મળશે.